२०२४ च्या लोकसभा निवडणुकीत सुप्रिया सुळेंचा पराभव करणार - चंद्रकांत पाटील

२०२४ च्या लोकसभा निवडणुकीत सुप्रिया सुळेंचा पराभव करणार असल्याचे वक्तव्य महसूलमंत्री चंद्रकांत पाटील यांनी केले.

पुणे - २०२४ च्या लोकसभा निवडणुकीत सुप्रिया सुळेंचा पराभव करणार असल्याचे वक्तव्य महसूलमंत्री चंद्रकांत पाटील यांनी केले. यासाठी दर १५ दिवसांनी बारामतीला जाणार असून, मतदारसंघातील कमकुवत दुव्यावर काम करणार असल्याचेही पाटील म्हणाले. 'आपकी बार 220 पार' हाच नारा या विधानसभेला असल्याचे पाटील म्हणाले.

तसेच आगामी विधानसभेसाठी भाजप आणि शिवसेनेची युती निश्‍चित झालेलीच आहे. जागावाटपाबाबत 50-50 चा फॉर्मुला हाच मूळ गाभा असल्याचे महसूल मंत्री चंद्रकांत पाटील यांनी सांगितले आहे.

चंद्रकांत पाटील आज पुण्यातील पिंपरी येथे बोलत होते. जागा वाटपाबाबत बैठकीला बसल्यानंतर कुठली जागा कुणाला सोडायची याबाबत चर्चा करून तोडगा काढला जाईल असेही पाटील म्हणाले. लोकसभा निवडणुकीच्या निकालांनी हुरळून जाऊ नका, लोकसभा आणि विधानसभा निवडणुका या वेगवेगळ्या असतात. विधानसभेवेळी लोक वेगळा विचार देखील करत असतात. त्यामुळे गाफील राहू नका असा सल्लाही पाटील यांनी कार्यकर्त्यांना दिला.

या विधानसभेला आपकी बार 220 पार हाच नारा असल्याचं पाटील यावेळी म्हणाले लोकसभा निवडणुकीत 288 विधानसभा मतदारसंघांमध्ये भाजप युतीला आघाडी आहे त्यामुळे दोनशे वीस चा आकडा युती पार करेल असा विश्वास त्यांनी यावेळी..