पुणे - मागच्या महिन्यात पालकमंत्री चंद्रकांत पाटील ( Chandrakant Patil ) यांच्यावर पिंपरी चिंचवड येथे शाहीफेक करण्यात आली होती. यानंतर देखील भीम अनुयायीकडून पाटील यांच्या विरोधात जोरदार आंदोलने केली जात होती. आज भीमा कोरेगांव येथील 205 शौर्य दिनाच्या ( Bhima Koregaon 205 Shaurya Din ) पार्श्वभूमीवर पालकमंत्री चंद्रकांत पाटील हे भिमा कोरेगांव येथे न येता घरुनच अभिवादन केले आहे. यावर केंद्रीय सामाजिक न्याय राज्यमंत्री रामदास आठवले यांना विचारलं असता ते म्हणाले की चंद्रकांत पाटील यांनी त्या प्रकरणी माफी मागितली आहे. रामदास आठवले या प्रकरणी यांनी अधिक बोलणे टाळले.
विजयस्तंभ अभिवादन - कोरेगाव भीमा येथे शौर्य दिनानिमित्त विजयस्तंभ अभिवादन सोहळ्याला सुरुवात झाली आहे. शौर्यदिनाचे यंदाचे 205 वे वर्ष असून विजयस्तंभाला अभिवादन करण्यासाठी राज्यभरातून हजारोच्या संख्येने आंबेडकरी अनुयायी कोरेगाव भीमामध्ये येथे दाखल झाले आहेत. त्याच दरम्यान आरपीआय (A) गटाचे संस्थापक अध्यक्ष केंद्रीय सामाजिक न्याय राज्यमंत्री रामदास आठवले यांनी विजयस्तंभास अभिवादन केले. यावेळी ते बोलत होते.
स्तंभाच्या स्मारकासाठी 100 एकर जागेची गरज - यंदाच्या 205 व्या शौर्यादिन राज्याच्या अनेक भागातून लाखोच्या संख्येने नागरिक अभिवादन करण्यासाठी येथे आलेले आहेत. त्या सर्वांचे मी आभार मानतो.तर मी केंद्र, राज्य सरकार, तसेच समाजाच्या वतीने अभिवादन करायला आलो आहे. त्याचबरोबर स्तंभाच्या स्मारकासाठी 100 एकर जागेची गरज आहे. त्यानंतर स्मारक उभा राहणार असून त्यासाठी प्रयत्न सुरू आहे. याबाबत मुख्यमंत्री एकनाथ शिंदे यांची भेट घेऊन त्यांच्याकडे स्मारकाचा प्रश्न मार्गी लवकरात लवकर मार्गी लागावा. यासाठी मागणी करणार असल्याचे त्यांनी सांगितले.
मी गप्प बसणार नाही - भाजप नेत्यांकडून अनेक वेळा महापुरुषांबद्दल वादग्रस्त विधान केली जात आहे.त्या प्रश्नावर ते म्हणाले की, याबाबत मी शांत नाही. मी गप्प बसणारा देखील नाही. मी यावर वेळोवेळी माझी भूमिका मांडली असल्याचं यावेळी आठवले यांनी सांगितल.
