पुणे - अयोध्येतील श्रीराम मंदिर बांधण्यासाठी 78 कोटी रुपयांचा निधी जमा झाला आहे. यातील 24 कोटी रुपये लवकरच 'लार्सन अँड टुबरो' कंपनीकडे सुपूर्द केले जातील. 2024 पूर्वी भव्य राम मंदिर उभारण्याचा प्रयत्न असेल, पण मंदिर उभारणीसाठी कुठलीही घाई करणार नसल्याचे राम जन्मभूमी न्यासाचे खजिनदार गोविंदगिरी महाराज ऊर्फ किशोर व्यास यांनी पुण्यात सांगितले.
राम मंदिर निर्माणासाठी 78 कोटींचा निधी जमा - गोविंदगिरी महाराज
मंदिर उभारणीत कोणतीही तडजोड नाही
गोविंदगिरी महाराज म्हणाले, मंदिर उभारणीसाठी लागणारा निधी गोळा करण्यासाठी 10 आणि 100 ची कूपन तयार करण्यात आली आहेत. देशभरातील राम भक्तांनाही कूपण वाटले जाणार आहेत आणि त्यांच्यापासून निधी संकलित केला जाणार आहे. तसेच मंदिर उभारणीसाठी कुठलीही तडजोड करणार नाही, घाई करणार नाही असेही त्यांनी स्पष्ट केले.
