४ ते ११ मार्च दरम्यान १९ वा पुणे आंतरराष्ट्रीय चित्रपट महोत्सव

महाराष्ट्र शासनाचा अधिकृत चित्रपट महोत्सव असलेला व दरवर्षी चित्रपट रसिक ज्याची आतुरतेने वाट पहात असतात. अशा या महोत्सवासाठी यावर्षी ९३ देशांमधून तब्बल १ हजार ६११ चित्रपट प्राप्त झाले आहेत. ज्यापैकी विविध विभागातील तब्बल १८० चित्रपटांचा आस्वाद सिनेरसिकांना महोत्सवादरम्यान घेता येणार आहे. चित्रपट निवड समितीच्या माध्यमातून या चित्रपटांची निवड करण्यात आलेली आहे.

पुणे - पुणे फिल्म फाउंडेशन आणि महाराष्ट्र शासन यांच्या संयुक्त विद्यमाने दरवर्षी पुण्यात होणारा पुणे आंतरराष्ट्रीय चित्रपट महोत्सव अर्थात पिफ यावर्षी येत्या ४ ते ११ मार्च, २०२१ दरम्यान होणार आहे. महोत्सवाचे हे सलग १९ वे वर्ष असून चित्रपटगृहाबरोबरच ऑनलाईन व्यासपीठाच्या माध्यमातून यावर्षी महोत्सव सिनेरसिकापर्यंत पोहोचणार असल्याची माहिती पुणे फिल्म फाउंडेशनचे अध्यक्ष व महोत्सवाचे संचालक डॉ. जब्बार पटेल यांनी आज पुण्यात झालेल्या पत्रकार परिषदेत दिली.

पुणे फिल्म फाउंडेशनचे सचिव रवी गुप्ता, महोत्सवाचे कलात्मक दिग्दर्शक समर नखाते, राष्ट्रीय चित्रपट संग्रहालयाचे संचालक प्रकाश मगदूम आदी मान्यवर या वेळी उपस्थित होते.

हेही वाचा - ‘बॅरिस्टर बाबू’ च्या सेटवरील जिवाभावाच्या मैत्रिणी, चाहत तेवानी आणि औरा भटनागर

९३ देशांमधून तब्बल १ हजार ६११ चित्रपट प्राप्त

महाराष्ट्र शासनाचा अधिकृत चित्रपट महोत्सव असलेला व दरवर्षी चित्रपट रसिक ज्याची आतुरतेने वाट पहात असतात. अशा या महोत्सवासाठी यावर्षी ९३ देशांमधून तब्बल १ हजार ६११ चित्रपट प्राप्त झाले आहेत. ज्यापैकी विविध विभागातील तब्बल १८० चित्रपटांचा आस्वाद सिनेरसिकांना महोत्सवादरम्यान घेता येणार आहे. चित्रपट निवड समितीच्या माध्यमातून या चित्रपटांची निवड करण्यात आलेली आहे.

यंदाचा पिफ फ्रंटलाईन वॉरियर्सला समर्पित

"मागील २०२० हे वर्ष आपल्या सर्वांसाठी एक प्रकारची अनिश्चितता, भीती आणि अर्थात संघर्षाचे होते. मात्र आता एक आशा घेऊन आपण सर्वानीच २०२१ मध्ये पाऊल टाकले आहे. सोबतच या परिस्थितीत अग्रस्थानी कार्यरत असलेल्या 'कोविड वॉरियर्स'च्या कष्टाचे चीज होऊन, सर्वत्र लसीकरण मोहिमेला सुरुवात झाली आहे आणि परिस्थिती नियंत्रणात येत पूर्वपदावर येऊ लागली आहे. त्यामुळे आता, सिनेरसिकांच्या मनात आपले वेगळे स्थान असलेला पुणे आंतरराष्ट्रीय चित्रपट महोत्सव घेऊन आम्ही पुन्हा एकदा तुमच्या भेटीला आलो आहोत. चित्रपटगृहाबरोबरच ऑनलाईन व्यासपीठाच्या माध्यमातून यावर्षीचा महोत्सव होणार असून कोविड १९ च्या पार्श्वभूमीवर महोत्सवावेळी असणाऱ्या सर्व सरकारी नियमांचे पालन करीत महोत्सवाचे आयोजन करण्यात येणार आहे. कोविड काळात अग्रस्थानी असलेल्या 'फ्रंटलाईन वॉरियर्स'ला आम्ही यावर्षी हा महोत्सव समर्पित करीत आहोत, असेही यावेळी जब्बार पटेल म्हणाले.

राज्य सरकार कडून बजेटमध्ये वाढ

दरवर्षी पुणे आंतरराष्ट्रीय फिल्म फेस्टिव्हलसाठी राज्य सरकारकडून जो निधी मिळत होता त्यात वाढ करण्यात यावी, अशी मागणी होत होती. त्यानुसार यंदा अर्थमंत्री अजित पवार यांच्या कडून ७० लाखांऐवजी ४ कोटी एवढा निधी देण्यात आला आहे. पण यंदा आम्ही फक्त अडीच कोटी रुपयांचा निधी घेणार आहोत, अशी माहितीही यावेळी जब्बार पटेल यांनी दिली.


हेही वाचा - सरफरोश-2 चित्रपटाची ही पाचवी पटकथा; ज्यावर केली निर्मिती : जॉन मॅथ्यू मथान