पालघर : अभिनय क्षेत्रातून धक्कादायक माहिती समोर आली आहे. टीव्ही अभिनेत्री तुनिषा शर्माने गळफास लावून आत्महत्या ( Tunisha Sharma Suicide ) केली आहे. तिला रुग्णालयात नेले असता तिला मृत घोषित करण्यात आले. अली बाबा: दास्तान-ए-काबुल टीव्ही मालिकेच्या सेटवरच ही आत्महत्या ( Tunisha Sharma committed suicide ) झाल्याची वालीव पोलीसांनी माहिती दिली आहे.
आत्महत्येचे कारण अस्पष्ठ : सध्या तुनिषा शर्मा ( TV actress Tunisha Sharma ) सध्या सब टीव्हीच्या दास्तान-ए-काबुल या शोमध्ये मुख्य भूमिकेत होती. सब टीव्हीच्या अली बाबा: दास्तान-ए-काबुलमध्ये शेहजादी मरियमची ती भूमिका साकारत होती. तनुषाचे वय अवघे 20 वर्षे असल्याचे सांगण्यात येत आहे. वयाच्या 20 व्या वर्षी तिने हे टोकाचे पाऊल उचलण्याचे कारण अद्याप समोर आलेले नाही.
- " class="align-text-top noRightClick twitterSection" data="
">
तनुषाची कारकीर्द : तिने 2015 मध्ये सोनी टीव्हीच्या भारत का वीर पुत्र - महाराणा प्रताप यातून बालकलाकार म्हणून तिच्या अभिनय कारकिर्दीला सुरुवात केली. नंतर कलर्स टीव्हीच्या चक्रवर्ती अशोक सम्राटमध्ये झळकली. 2016 मध्ये, तिने फितूर आणि बार बार देखो मधील कतरिना कैफची लहानपणीचीची भूमिका केल्याबद्दल प्रसिद्धी मिळवली. नंतर 2018 मध्ये, तिने कलर्स टीव्हीच्या इंटरनेट वाला लव्हमध्ये शिविन नारंगसोबत तिने पहिली मुख्य भूमिका केली. शोमधील शिवीनसोबतची तिची ऑनस्क्रीन केमिस्ट्री चाहत्यांना खूप आवडली. तसेच इंटरनेट वाला लव्ह 2019 मध्ये बंद झाली. नंतर, तिने इश्क सुभान अल्लाह, हिरो - गयाब मोड ऑन, आणि अली बाबा: दास्तान-ए-काबुल सारखे लोकप्रिय शो केले. अनेक म्युझिक व्हिडीओव्यतिरिक्त, तुनिशा विद्या बालनच्या कहानी 2: दुर्गा राणी सिंग आणि सलमान खानच्या दबंग 3 मध्ये देखील दिसली होती.
