पालघर/नालासोपारा - पोलीस निरीक्षकांच्या दालनात हवालदाराने स्वत:वर गोळी झाडून आत्महत्या केल्याची धक्कादायक घटना समोर आली आहे. ही घटना नालासोपाऱ्यातील तुळींज पोलीस ठाण्यात घडली. सखाराम भोये असे आत्महत्या केलेल्या हवालदाराचे नाव आहे.
मिळालेल्या माहितीनुसार, सखाराम भोये हे तुळींज पोलीस ठाण्यात बुधवारी नाईट ड्युटीवर कार्यरत होते. तेव्हा त्यांनी पोलीस ठाण्यातील पोलीस निरीक्षकांच्या दालनात जाऊन, स्वत:वर गोळी झाडली. यात त्यांचा जागीच मृत्यू झाला. या घटनेने पोलीस ठाण्यात खळबळ माजली.
दरम्यान, भोये यांच्या आत्महत्येचे कारण अद्याप अस्पष्ट असल्याचे कळते. पोलीस प्रशासनाने भाये यांचा मृतदेह शवविच्छेदनासाठी रुग्णालयात पाठवला आहे. भोये हे मागील चार वर्षापासून पालघर जिह्याच्या तुळींज पोलीस ठाण्यात हवालदार म्हणून कार्यरत होते.
हेही वाचा - गडचिंचले तिहेरी हत्याकांड : आणखी २४ आरोपींना सीआयडीने केली अटक; ५ अल्पवयीनांचा समावेश