पालघर : तालुक्यातील सफाळे येथे अनैतिक संबंध असलेली पत्नी आणि तिच्या प्रियकराची पतीने कुर्‍हाडीने घाव घालून हत्या केल्याची धक्कादायक घटना घडली आहे. संगिता दिलीप ठाकरे आणि पांडू श्रावणे अशी मृत व्यक्तींची नावे असून, याप्रकरणी आरोपी पती दिलीप ठाकूर याला सफाळे पोलिसांनी अटक केली आहे.
पत्नी व प्रियकर आढळले आक्षेपार्ह स्थितीत..
दिलीप ठाकरे (45) हा पालघर तालुक्यातील सफाळे पोलिस ठाणे हद्दीतील कपासे-ठाकुरपाडा येथील रहिवासी आहे. त्याची पत्नी संगिता दिलीप ठाकूर (40) हिचे पांडू श्रावणे (42) सोबत अनैतिक संबंध होते. रविवारी आरोपी दिलीप हा कामावरून अचानक घरी परतला. त्याने आपल्या घराचा हळूच दरवाजा उघडला असता त्याची पत्नी आणि पांडू आक्षेपार्ह्य स्थितीत आढळून आले. हा सर्व प्रकार पाहून संतप्त झालेल्या दिलीप ठाकूर याने रागाच्या भरात घरातील कुऱ्हाडीने वार करत पत्नी आणि तिचा प्रियकर या दोघांची हत्या केली.
आरोपीला काही तासांमध्ये अटक..
हत्या केल्यानंतर फरार झालेल्या दिलीपला सफाळे पोलिसांनी काही तासातच अटक केली. आरोपीविरोधात सफाळे पोलीस ठाण्यात गुन्हा दाखल करण्यात आला आहे. आरोपीला पालघर न्यायालयात हजर केले असता, त्याला १० फेब्रुवारीपर्यंत पोलिस कोठडी सुनावण्यात आली आहे.
हेही वाचा : धक्कादायक : पिंपरी-चिंचवडमध्ये अल्पवयीन मुलीचे हात पाय बांधून लैंगिक अत्याचार
