पालघर मॉब लिंचिंग प्रकरणी पाच जणांना 'सीआयडी' कोठडी..

गडचिंचले तिहेरी हत्याप्रकरणी आज आणखी पाच आरोपींना ताब्यात घेण्यात आले. या पाच जणांना न्यायालयासमोर हजर केले असता, त्यांना गुन्हे अन्वेषण विभागाच्या (सीआयडी) कोठडीत पाठवण्यात आले आहे. १३ मेपर्यंत त्यांना या कोठडीत ठेवण्यात येणार आहे.

पालघर - गडचिंचले तिहेरी हत्याप्रकरणी आज आणखी पाच आरोपींना ताब्यात घेण्यात आले. या पाच जणांना न्यायालयासमोर हजर केले असता, त्यांना गुन्हे अन्वेषण विभागाच्या (सीआयडी) कोठडीत पाठवण्यात आले आहे. १३ मेपर्यंत त्यांना या कोठडीत ठेवण्यात येणार आहे. या प्रकरणी आतापर्यंत ११५ जणांना अटक करण्यात आली असून, त्यामध्ये ९ अल्पवयीन तरुणांचा समावेश आहे.

• Maharashtra: The five people, who were arrested in connection with the Palghar lynching case, have been remanded to the custody of the Crime Investigation Department (CID) till May 13. https://t.co/VorvqGE26p

  — ANI (@ANI) May 1, 2020 " class="align-text-top noRightClick twitterSection" data="

  Maharashtra: The five people, who were arrested in connection with the Palghar lynching case, have been remanded to the custody of the Crime Investigation Department (CID) till May 13. https://t.co/VorvqGE26p

  — ANI (@ANI) May 1, 2020

  ">

Maharashtra: The five people, who were arrested in connection with the Palghar lynching case, have been remanded to the custody of the Crime Investigation Department (CID) till May 13. https://t.co/VorvqGE26p

— ANI (@ANI) May 1, 2020

दरम्यान, या गुन्ह्यातील १०१ आरोपींवर काल डहाणू न्यायालयात सुनावणी करण्यात आली. या प्रकरणात यापूर्वी न्यायालयाने, दाखल तीन गुन्ह्यांपैकी, तिघांच्या हत्येच्या गुन्ह्यात (कलम ३०२) पोलीस कोठडी सुनावली होती. त्याची मुदत संपल्याने, या गुन्ह्यात न्यायालयाने या सर्व आरोपींना न्यायालयीन कोठडी सुनावली. उर्वरित दोन गुन्ह्यांपैकी खुनाचा प्रयत्न व सरकारी कामात अडथळा या गुन्ह्यात न्यायालयाने सर्व आरोपींना १४ दिवसांची पोलीस कोठडी सुनावली. तसेच, या प्रकरणातील आणखी ९ आरोपी अल्पवयीन असल्याने त्यांची रवानगी भिवंडी येथील बालसुधारगृहात करण्यात आली.

पालघर जिल्ह्यातील गडचिंचले येथे चोर, दरोडेखोर असल्याच्या संशयातून जमावाने हल्ला करत दोन साधू व वाहनचालक अशा तिघांची हत्या केली होती. तिहेरी हत्याप्रकरण देशभर गाजले असून, हे प्रकरण हाताळत असताना पोलिसांच्या कार्यपद्धतीवरही प्रश्नचिन्ह उपस्थित करण्यात आला. त्यानंतर या प्रकरणाचा तपास सीआयडीकडे सोपवण्यात आला आहे. या प्रकरणात आतापर्यंत कासा पोलीस ठाण्यातील २ पोलीस अधिकारी व ३ कर्मचाऱ्यांचे निलंबन तसेच ३५ कर्मचाऱ्यांची जिल्ह्यात अन्य ठिकाणी बदली करण्यात आली आहे.

हेही वाचा : कोरोना इफेक्ट : विदर्भवाद्यांनी ऑनलाईन साजरा केला काळा दिवस