पालघर - बोईसर - चिल्हार रोडवरील गुंदले गावाजवळील सेकंड हँड फर्निचर गोदामाला भीषण आग लागली आहे. या आगीत 20 गाळे जळून खाक झाले आहेत. अग्निशमन दलाच्या तीन गाड्यांनी ही आग आटोक्यात आणली असून आग कशामुळे लागली याचे कारण अद्याप अस्पष्ट आहे.
पालघर तालुक्यातील बोईसर रोडवरील चिल्हार फाट्याच्या पुढे गुंदले गावाजवळील जुन्या फर्निचर गोदामाला सकाळच्या सुमारास अचानक आग लागली. यात वीसपेक्षा अधिक गाळे जळून खाक झाली आहेत. गाळ्यांच्यावर विद्युत वाहक तारांचे जाळे असल्याचे दिसत आहे. मात्र, आग नेमकी कशामुळे लागली याचे कारण अद्याप अस्पष्ट आङे. आगीवर नियंत्रण मिळवण्यात अग्निशमन दलाला यश आले आहे.
