येवला (नाशिक) - येवला शहरात चोरट्यांनी पहाटेच्या सुमारास दोन दुकाने फोडून यातील रोख रक्कम आणि सामानाची चोरी केल्याची घटना समोर आली आहे. ही घटना सीसीटीव्हीत कैद झाली असून चोरांचा तपास पोलीस करीत आहे.
चोरीची घटना सीसीटीव्हीत कैद
शहरातील शनी पटांगण भागातील श्रीकृष्ण मेडिकल या दुकानाचा शटरचा पत्रा वाकवून दुकानातील रोख रक्कम चोरट्यांनी लंपास केली आहे. यापाठोपाठच बस स्टॅन्ड स्ठित नोवेल्टी मोबाईल दुकानचाही शटरचा पत्रा वाकवून दुकानातील मोबाईल तसेच किरकोळ रक्कम असा एकूण पंचवीस ते तीस हजार रुपयांचा ऐवज चोरट्याने लंपास केला आहे. ही संपूर्ण घटना सीसीटीव्हीत कैद झाली असून पोलीस चोरांचा शोध घेत आहे.
दोन ते तीन दिवसापूर्वी यातील नोवेल्टी मोबाईल दुकान फोडण्याचा प्रयत्न झाला होता. तसेच दोन महिन्यापूर्वी पंकज भामरे यांची स्विफ्ट गाडी घरासमोरून चोरी केल्याची घटना ताजी आहे. अशात लॉकडाऊनच्या काळात बंद दुकानाना चोरटे लक्ष करत असून याकाळात भुरट्या चोरांनी डोके वर काढल्याने व्यापाऱ्यांमध्ये भीतीचे वातावरण आहे.
हेही वाचा -अकलूज येथे रेमडेसिवीर इंजेक्शनचा काळाबाजार, पोलिसांकडून तिघा जणांना अटक
