Thackeray group in Nashik : ठाकरे गटाला धक्का, संपर्क प्रमुख पदाची हकालपट्टी होताच जिल्हा प्रमुखांचा राजीनामा

शिवसेनेच्या ठाकरे गटाला पुन्हा एकदा धक्का ( Thackeray group in Nashik ) बसला आहे. ठाकरे गटाचे खासदार संजय राऊत यांनी नाशिक जिल्हा संपर्क प्रमुख भाऊ चौधरी यांची शिवसेना तसेच संपर्क प्रमुख पदावरून हकालपट्टी ( Thackeray group sacked Bhau Chaudhary ) करण्याचे ट्विट करून जाहीर केले. त्यानंतर नाशिकच्या शिवसेना जिल्हा प्रमुखांनी राजीनामा दिला आहे.

नाशिक : खासदार संजय राऊत यांनी ट्विट करत पक्षप्रमुख उद्धव ठाकरे यांच्या आदेशाने नाशिक जिल्हा संपर्क प्रमुख भाऊ चौधरी यांची ( Thackeray group sacked Bhau Chaudhary ) हकालपट्टी असल्याचे जाहीर केले. त्यानंतर सुनील भास्करराव पाटील शिवसेना जिल्हाप्रमुख, नाशिक ग्रामीण ( उद्धव गट ) यांनी शिवसेना जिल्हा प्रमुख पदाचा ( Sunil Patil resigned ) राजीनामा दिला आहे.

सुनील पाटील यांनी फेसबुकवर पोस्ट टाकत मुख्यमंत्री एकनाथ शिंदे यांना पाठिंबा दिलाय. आमचे संपर्क प्रमुख भाऊसाहेब चौधरी यांच्या समर्थनार्थ माझ्या शिवसेना जिल्हाप्रमुख पदाचा राजीनामा देतोय, असे सुनील पाटील फेसबुकवर म्हणाले आहेत. तसेच मुख्यमंत्री एकनाथ शिंदे आगे बढो. हम नाशिककर आपके साथ है, असेदेखील सुनील पाटील म्हणाले ( Sena leader Sunil Patil fb post ) आहेत.

संपर्क पदाचा राजीनामा

मोठा धक्का..नाशिक शहरातील ठाकरे गटातील 13 नगरसेवकांनी शिंदे गटात प्रवेश केला. हा उद्धव ठाकरे यांना मोठा धक्का मानला जात असतांना आता जिल्हा संपर्क प्रमुखालाही आपल्याकडे वळण्यात शिंदेंना यश आले आहे. भविष्यात उद्धव ठाकरे गटातील अनेक पदाधिकारी तसेच नगरसेवक शिंदे गटात दाखल होतील अशी चर्चा नाशिकमध्ये आहे.