नाशिकमध्ये पुरात पोहण्याची अनोखी पैज आली अंगलट; 19 वर्षीय युवक गेला वाहून

महापुरात पोहण्याची पैज लावण्याचे पंचवटीतील आकाश लोंढे या 19 वर्षीय युवकाला जीवघेणी ठरली आहे. मित्रांसमवेत गोदावरी नदीला आलेल्या महापुरात पोहण्यासाठी गेलेला आकाश अद्याप बेपत्ता आहे. त्याला शोधण्याचे शोधकार्य सुरू आहे.

नाशिक- महापुरात पोहण्याची पैज लावण्याचे पंचवटीतील आकाश लोंढे या 19 वर्षीय युवकाला जीवघेणी ठरली आहे. मित्रांसमवेत गोदावरी नदीला आलेल्या महापुरात पोहण्यासाठी गेलेला आकाश अद्याप बेपत्ता आहे. त्याला शोधण्याचे शोधकार्य सुरू आहे.

पंचवटी येथील फुलेनगर भागत राहणार 19 वर्षीय युवक आकाश लोंढेहा 5 ऑगस्ट रोजी संध्याकाळी राहुल गवारे, प्रवीण चौधरी, रोहित उफाडे या मित्रांसोबत गोदावरी नदीला आलेला महापूर बघण्यासाठी गेला होता. यावेळी मित्रांनी गाडगे महाराज पुलवरू उड्या मारण्याची पैज लावली. यात सर्वप्रथम आकाशने पुरात उडी घेतली. त्या पाठोपाठ तिघा मित्रांनी देखील पुराच्या पाण्यात उड्या घेतल्या. मात्र, काही वेळ पुरात पोहत जाणारा आकाशला पाण्याचा अंदाज न आल्याने वाहत गेला. बाकी मित्र पोहत नदीकाठा पर्यंत आले. सोबतचा मित्र आकाश दिसत नाही म्हणून सर्वांनी शोधाशोध सुरू केली. मात्र,आकाश सापडला नाही. या सर्व घटनेचे चित्रीकरण तिथे उपस्थित असलेल्या एका युवकाने आपल्या मोबाइल मध्ये घेतले. घटनेची माहिती मिळताच आकाश चे कुटुंब गाडगे महाजन पुलावर पोहचले. यावेळी आकाशच्या आई ने टाहो फोडला. हा प्रकार उपस्थित प्रत्येकाचे मन हेलावून टाकणारा होता. या घटनेची नोंद पंचवटी पोलीस ठाण्यात करण्यात आली आहे. मंगळवारी संध्याकाळ पासून आकाशचा शोध अग्निशामक दलाचे जवान आणि जीवरक्षक घेत आहेत.