नाशिक - जिल्ह्यातील त्र्यंबकेश्वर येथील आंबोली धरणात आश्रमशाळेतील विद्यार्थ्यांचा बुडून मृत्यू झाल्याची घटना घडली आहे. रोशन लाखन असे मृत मुलाचे नाव आहे. त्याचबरोबर असणाऱ्या उत्तम धोंगडे या विद्यार्थ्याला वाचवण्यात नागरिकांना यश आले आहे.
त्र्यंबकेश्वरच्या आंबोली धरणात दोन विद्यार्थी बुडाले , एकाचा मृत्यू
त्र्यंबकेश्वर तालुक्यातील आंबोली आश्रम शाळेतील विद्यार्थ्यांचे वनभोजन आंबोली धरनावर आयोजित केले होते. यावेळी रोशन आणि उत्तम हे दोघे धरणाशेजारी गेले असता पाय घसरून पडले. यावेळी दोघेही धरणांत बुडाले. ही बाब स्थानिक नागरिकांच्या लक्षात येताच दोघांपैकी एकाला वाचवण्यात यश आले. यामध्ये रोशन याचा दुर्दैवी अंत झाल्याने परिसरात हळहळ व्यक्त करण्यात येत आहे. दोघेही तिसरीच्या वर्गात शिकत होते. अचानक घडलेल्या या घटनेने कुटुंबियांवर शोककळा पसरली आहे.
