नाशिक - जिल्ह्याधिकारी कार्यालयातील प्रलंबित प्रकरणांची चौकशी करण्यासाठी नागरिकांना आता थेट व्हाट्सअॅपद्वारे सेवा दिली जाणार आहे. या संकल्पनेचे नाशिककरांनी स्वागत केले आहे.
जिल्हाधिकारी कार्यालयात अनेक कामांसाठी नागरिकांची ये-जा असते. एखाद्या कामासाठी लागणारे कागदपत्र अपुरे असल्यास प्रकरण वेळेत मंजूर होत नाही. परिणामी, नागरिकांना जिल्हाधिकारी कार्यालयात केवळ चौकशी करण्यासाठी चकरा माराव्या लागतात. ही बाब लक्षात घेऊन जिल्हाधिकारी सूरज मांढरे यांनी प्रलंबित प्रकरणांच्या माहिती संदर्भात व्हाट्सअॅप सेवा सुरू केली आहे.
हेही वाचा - नाशिक शहरातील वाढती गुन्हेगारी रोखण्यासाठी द्वारका परिसरात अत्याधुनिक पोलीस चौकी
यासाठी मांढरे यांनी 9421954400 या क्रमांकावर संपर्क साधण्याचे आवाहन केले आहे. तसेच, प्रकरणासाठी लागणारी सर्व कागदपत्रे असल्यास तीन दिवसांच्या आता प्रकरण मार्गी लावण्याचे निर्देशही त्यांनी संबंधित कार्यालयांना दिले आहेत.
