नाशिक उत्पादन शुल्क विभाग वार्षिक महसूल वसुलीत नंबर 'वन'

दमन, सिल्वासा, मध्यप्रदेशमार्गे हरियाणा, पंजाबमधून दारू मोठ्या प्रमाणात महाराष्ट्र राज्यात कमी किमतीची दारु चोरून येत होती. म्हणून या दारूमुळे महसुल बुडत होता तर या सीमालगत भागाकडे लक्ष वेधले असता या ठिकाणावरून येणाऱ्या मद्यावर राज्य शुल्क विभागाने नाकाबंदी करून नियंत्रण आणले आहे.

नाशिक - नाशिकचा राज्य उत्पादन शुल्क विभाग महसूल वसुलीत नेहमीच आघाडीवर राहिला असून वर्ष 2018-19 मध्ये या विभागाने तब्बल 2 हजार 642 कोटी 75 लाख रुपयांची वसुली केली आहे. मागील वर्षीच्या तुलनेत 707 कोटी 23 लाख रुपयांची वाढ करून 36. 53 टक्के अधिक वसुली केल्याची माहिती राज्य उत्पादन शुल्क विभागाचे विभागीय उपायुक्त प्रसाद सुर्वे यांनी दिली आहे.

या विभागाने 2017 -18 मध्ये एकूण 1 हजार 935 कोटी 52 लाख रुपयांची महसूल वसूल केला होता. देशी-मद्य 318. 25 लाख बल्क लिटर, विदेशी मद्य 138 .77 लाख बल्क लिटर, बियर 176. 54 लाख बल्क लिटर तर वाईन 6. 21 कोटी बल्क लिटर विक्री झाली असून या विक्रीतुन 1 हजार 935 कोटी 52 लाख रुपयांचा महसूल मिळाला होता. यावर्षी यात 36 .53 टक्के वाढ झाली आहे. राज्यात वार्षिक वसुलीत नाशिक विभाग नंबर वन ठरला आहे.

दमन, सिल्वासा, मध्यप्रदेशमार्गे हरियाणा, पंजाबमधून दारू मोठ्या प्रमाणात महाराष्ट्र राज्यात कमी किमतीची दारु चोरून येत होती. म्हणून या दारूमुळे महसुल बुडत होता तर या सीमालगत भागाकडे लक्ष वेधले असता या ठिकाणावरून येणाऱ्या मद्यावर राज्य शुल्क विभागाने नाकाबंदी करून नियंत्रण आणले आहे.