नाशिक - बारा जोतिर्लिंगांपैकी एक असलेल्या त्र्यंबकेश्वरच्या मंदिरात २ पुरोहितांमध्ये राडा झाल्याचे दृश्य भाविकांना पाहायला मिळाले. रविवारी सकाळच्या सुमारास हा धक्कादायक प्रकार घडला. हे पुरोहित केवळ मारहाणीवर थांबले नाहीत, तर त्यांनी अर्वाच्य शिवीगाळही केली.
त्र्यंबकेश्वर हे बारा ज्योतिर्लिंगांपैकी महाराष्ट्रातले एक मोठे श्रद्धास्थान आहे. त्यामुळे या ठिकाणी भाविकांची नेहमीच प्रचंड गर्दी असते. दरम्यान, रविवारी सकाळी अचानकच येथील २ पुरोहितांमध्ये मारहाण सुरू झाली. ते दोन्हीही पुरोहित एकमेकांना अर्वाच्य शिवीगाळ करू लागले. तर एका पुरोहिताने चक्क दुसऱ्या पुरोहिताला कानशिलात लगावल्याचेही दृश्य भाविकांना पाहायला मिळाले. नेहमी देवाची पूजा अर्चा करणाऱ्या या पुरोहितांचा हा प्रकार पाहून मंदिरातील भाविकही आवाक झाले आणि काहींनी तर या घटनेचा निषेधही केला.
त्र्यंबकेश्वर हे अनेकांचे श्रद्धास्थान असल्याने संपूर्ण भारतातून अनेक भाविक या ठिकाणी दर्शनासाठी येतात. मात्र, पुरोहितांमध्येच मारहाण होण्याचा प्रकार सर्वासमोर घडल्याने त्र्यंबकेश्वरमधील नागरिकांनी या घटनेचा निषेध केला आहे. पुरोहितांच्या या कृत्याने पुरोहित संघाची प्रतिमा मलीन झाली आहे. त्यामुळे विश्वस्त मंडळाने या घटनेची गंभीर दखल घेऊन या प्रकरणाची सखोल चौकशी करून कायदेशीर कारवाई करण्याचे संकेत दिले आहेत.
घडलेला प्रकार लज्जास्पद-
घडलेल्या प्रकारावर मंदिर प्रशासन कठोर कारवाई संबंधित पुरोहितावर करण्यात येईल हा जो प्रकार आज त्र्यंबकेश्वर मंदिराच्या आवारात झालेला आहे झालेला आहे तो लज्जास्पद आहे परोहितांनी नेहमी समाजा पुढे चागल्या विचाराचा आदर्श ठेवला आहे, असे प्रशांत गायधनी मंदिर प्रशासन संद्स आणि परोहित मंडळ अध्यक्ष यानी दुजोरा दिला.
