नाशिक - मुख्यमंत्री उद्धव ठाकरे यांच्या मंत्रिमंडळात मंत्री म्हणून शपथ घेतल्यानंतर राष्ट्रवादीचे नेते छगन भुजबळ यांनी मतदारसंघाकडे लक्ष द्यायला सुरुवात केली आहे. येवला मतदारसंघातील रस्ते पुन्हा गुळगुळीत होतील असे आश्वासन छगन भुजबळ यांनी दिले आहे. तसेच खंडित विकासाला चालना देण्यासाठी सकारात्मक प्रयत्न करण्याचे आवाहनही त्यांनी प्रशासकीय अधिकाऱ्यांना केले आहे. येवला संपर्क कार्यालय येथे येवला मतदारसंघ व जिल्ह्यातील विकासकामाबाबत मंगळवारी त्यांनी आढावा बैठक घेतली. त्यावेळी त्यांनी सर्व खातेप्रमुख अधिकाऱ्यांशी चर्चा करून कामकाजाचा आढावा घेतला.
मतदारसंघातील रस्ते पुन्हा गुळगुळीत होणार - छगन भुजबळ
