नाशिक - कोरोना आणि लॉकडाऊनमुळे अनेकांना विविध समस्यांना तोंड द्यावे लागत आहे. गेल्या कित्येक दिवसांपासून लॉकडाऊन असल्याने साडेतीन शक्ती पीठांपैकी एक सप्तश्रृंगी गड, वणी येथे मंदिर बंद असल्याने प्राण्यांचे खाण्या-पिण्याचे हाल होत आहेत. लोकांच्या सानिध्यात राहून त्यांच्या खाण्याच्या सवयी बदलून गेल्या आहेत. सप्तश्रृंगी गड न्यासाचे व्यवस्थापक यांनी गडावर विविध ठिकाणी त्यांच्या खाण्याची व्यवस्था केली.
कोरोना
व्यवस्थापक सुदर्शन दहातोंडे यांनी स्व:त चितखडा, शिवालय तलाव, चंडी कापूर रस्त्यावर जावून माकडांना केळी आणि इतर खाद्य टाकून त्यांची भूक भागविण्याचा प्रयत्न केला. सप्तशृंगी गडावरील शिवालय तलावाजवळ जाताच लहान माकडांनी दहातोंडे यांच्या अंगा-खांदयावर बसून केळींचा आस्वाद घेतला.
