नाशिक - शिक्षा सुनावल्याचा राग येवून आरोपीने न्यायाधीशांवर चप्पल भिरकावल्याची घटना नाशिक जिल्हा सत्र न्यायालयात घडली. या घटनेमुळे न्यायालयात काहीकाळ गोंधळ उडाला. नाशिकच्या जिल्हा न्यायालयात मंगळवारी संध्याकाळी ही घडली.
मधुकर खंडू मोरे (वय-75, रा. वडाळा रोड, भारत नगर), असे चप्पल भिरकावणाऱ्या आरोपीचे नाव आहे. मधुकर मोरे यांनी शाळेत मुख्याध्यापिका असणाऱ्या पत्नीवर शाळेसमोर 27 फेब्रुवारी 2018 ला चाकूने प्राणघातक हल्ला केला होता. या संदर्भात नाशिकच्या जिल्हा सत्र न्यायालयात सुनावणी सुरू होती. मोरे याला जिल्हा सत्र न्यायालयाने ५ वर्षांची शिक्षा सुनावली.
हेही वाचा - नाशिकमधील पक्षीप्रेमी अवलिया, फक्त पितृपक्षच नव्हे तर येथे रोज देतात कावळ्यांना घास
न्यायाधिशांनी शिक्षा सुनावताच आरोपी मोरे याने चप्पल काढून न्यायाधीशांच्या दिशेने भिरकावली. यानंतर पोलिसांनी आरोपी मधुकर मोरे याला ताब्यात घेऊन त्याची रवानगी मध्यवर्ती कारागृहात केली.
