नंदुरबार - मेघमल्हार सिटीतून कापूस चोरट्याला पोलिसांनी ताब्यात घेतले आहे. त्याच्याकडून तीन क्विंटल कापूस जप्त करण्यात आला असून त्याच्या साथीदारांचा शोध पोलीस घेत आहेत.
शहराजवळील मेघमल्हार सिटीतून महेंद्र शिरसाठ यांच्या मालकीचा 12 क्किंटल कापूस चोरीला गेला होता. घराजवळील एका खोलीत त्यांनी हा कापूस ठेवला होता. 12 क्किंटल कापसाची किंमत जवळपास 60 हजार रुपये इतकी आहे. पोलीस अधीक्षक महेंद्र पंडित यांच्या मार्गदर्शनाखाली पोलीस निरीक्षक रवींद्र कळमकर यांच्या पथकाने तपास सुरू केला. अवघ्या 12 तासांत या पथकाने कापूस चोरीचा छडा लावून सोमनाथ नामदेव खैरनार यास अटक केली. आरोपीकडून केवळ तीन क्किंटल कापूस जप्त करण्यात आला आहे.
साथीदारांचा शोध सुरू
संशयिताकडून तीन क्विंटल कापूस जप्त करण्यात आला असून उर्वरित 9 क्किंटल कापसाचा शोध घेणे सुरू आहे. मुद्देमाल जप्त करण्यासाठी पोलीस पथक त्याच्या साथीदारांचा शोध घेत आहेत. त्याचबरोबर उर्वरित कापूस संशयितांनी कुठे ठेवला आहे व कोणास विकला आहे, याचादेखील तपास केला जात असल्याची माहिती यावेळी शहर पोलीस निरीक्षकांनी दिली.
