हळदीचे खुले सौदे बंद; लिलावाद्वारेच होणार विक्री

हळद किंवा अन्य शेतमाल एखाद्या खरेदीराकडे विक्रीसाठी घेऊन गेल्यास तो भाव पाडून कमी दरात घेतो. ही बाब प्रशासनाच्या लक्षात आल्यानंतर बाजार समिती प्रशासन आडते खरेदीदार यांची संयुक्त बैठक होऊन कोणत्याही खरेदीदारांनी थेट माल घ्यायचा नाही. हळद घेऊन आलेली वाहने मार्केट कमिटीच्या मैदानात उभी करून जाहीर लिलावाद्वारेच त्याची खरेदी करावी, असा निर्णय घेण्यात आला.

नांदेड - नांदेड कृषी उत्पन्न बाजार समीती ही हळदीसाठी प्रसिद्ध आहे. पण, गेल्या काही वर्षांपासून काही खरेदीदार लिलावात माल न घेता खासगीत घेत होते. त्यामुळे शेतकऱ्यांना कमी भाव मिळत होता व मार्केटची फीसही बुडत होती. परिणामी नांदेडच्या मार्केटमधील हळदीची आवक कमी होत होती. शेतकऱ्यांचा कोणताही माल खासगीत विकण्यापेक्षा चार खरेदीदाराच्या समोर लिलावात विकला. घेणाऱ्यामध्ये स्पर्धा होऊन शेतमालाची योग्य किंमत केली जाते. त्यामुळे शेतकऱ्यांना चार पैसे जास्त मिळतात. हळद किंवा अन्य शेतमाल एखाद्या खरेदीराकडे विक्रीसाठी घेऊन गेल्यास तो भाव पाडून कमी दरात घेतो. ही बाब प्रशासनाच्या लक्षात आल्यानंतर बाजार समिती प्रशासन आडते खरेदीदार यांची संयुक्त बैठक होऊन कोणत्याही खरेदीदारांनी थेट माल घ्यायचा नाही. हळद घेऊन आलेली वाहने मार्केट कमिटीच्या मैदानात उभी करून जाहीर लिलावाद्वारेच त्याची खरेदी करावी, असा निर्णय घेण्यात आला.

शेतकऱ्यांनी हळद लिलावात विकावी - प्रल्हाद इंगोले

हळदीसह सोयाबीन, हरभरा, तूर आदी शेतमालाला योग्य भाव मिळण्यासाठी खुल्या सौद्याने न विकता शेतकऱ्यांनी हळद लिलावातच विक्री करावी, असे आवाहन शिवसेनेचे शेतकरी नेते प्रल्हाद इंगोले यांनी शेतकऱ्यांना केली आहे. नांदेड मार्केट कमिटीने खुले सौदे बंद करून डायरेक्ट आलेल्या हळदीसाठी लिलाव सुरू केले. या निर्णयाचे स्वागत करून यामुळे मार्केट कमिटी व शेतकरी दोघांचाही फायदा होणार असल्याचे इंगोले यांनी सांगितले.

स्थानिक खरेदीदार करत आहेत संभ्रम

गेल्या दोन दिवसांपासून नांदेडच्या मार्केटमध्ये रेग्युलर लिलाव व दुपारच्यानंतर थेट आलेल्या मालाची लिलाव ही पध्दत सुरू झाल्याने शेतकऱ्यांना त्यांच्या हळदीची योग्य किंमत व त्याच दिवशी वजनही होत आहे. पण, या चांगल्या पद्धतीला काही स्थानिक खरेदीदार हे संभ्रमित करीत असल्याचे दिसून येत आहे. त्यामुळे मार्केट कमिटी प्रशासन, आडते व शेतकरी यांनी जागरूक राहून लिलावपद्धत सुरूच ठेवून खाजगीत होणारे सौदे बंद करणे गरजेचे आहे.

काही खरेदीदार ठराविक शेतकऱ्यांना व काही वाहन चालकांना हाताशी धरून लिलाव पद्धत बंद करुन खुले सौदे चांगले आहेत. असे भासवण्याचा प्रयत्न करीत आहेत. सध्या सुरू केलेले लिलावाची पद्धत कोणी बंद करण्याचा प्रयत्न केला तर त्याला त्याचे गंभीर परिणाम भोगावे लागतील, असा इशारा प्रल्हाद इंगोले यांनी दिला आहे. तसेच शेतकऱ्यांनी आपला माल लिलावत विकण्यासाठी आग्रह धरावा, असे आवाहन आडत असोसिएशनचे प्रल्हाद पाटील काकांडीकर यांनी केले आहे.

हेही वाचा - व्हॉट्सअ‍ॅप ग्रुपची कल्पना : लोकसहभागतून साकारले 50 बेड्सचे कोविड सेंटर