नांदेड लोहमार्ग पोलिसांनी केला 82 लाख किमतीचा गुटका जप्त

लोहमार्ग पोलिसांनी सचखंड एक्सप्रेस नांदेड रेल्वे स्थानकावर पोहोचताच पार्सलमधून आलेला विविध कंपन्याचा गुटका जप्त केला. यामध्ये रत्ना जर्दाचे ३० बॉक्स, सुगंधी तंबाखूचे १८ बॉक्स व विदेशी सिगारेट असा एकूण 82 लाख किंमतीचा गुटका लोहमार्ग पोलिसांनी जप्त केला आहे. या प्रकरणी अज्ञात आरोपी विरुद्ध गुन्हा दाखल करण्यात आला आहे.

नांदेड - लॉकडाऊननंतर टप्याटप्याने रेल्वे सेवा सुरू होत आहे. याचा फायदा आता गुटका माफिया घेत असल्याचे निदर्शनास आले आहे. सचखंड एक्सप्रेसच्या पार्सलमधून आलेला 82 लाख किमतीचा गुटखा लोहमार्ग पोलिसांनी जप्त केला.

शेजारील राज्यातून नांदेड जिल्ह्यात मोठ्या प्रमाणात गुटख्याची आयात होत आहे. त्यानुसार आता रेल्वेच्या पार्सल डब्याचाही वापर गुटका माफिया करत आहेत. सचखंड एक्सप्रेसच्या पार्सलमधून गुटका येत असल्याची माहिती लोहमार्ग पोलिसांना मिळाली. या माहितीवरून लोहमार्ग पोलिसांनी सचखंड एक्सप्रेस नांदेड रेल्वे स्थानकावर पोहोचताच पार्सलमधून आलेला विविध कंपन्याचा गुटका जप्त केला. यामध्ये रत्ना जर्दाचे ३० बॉक्स, सुगंधी तंबाखूचे १८ बॉक्स व विदेशी सिगारेट असा एकूण 82 लाख किंमतीचा गुटका लोहमार्ग पोलिसांनी जप्त केला आहे. या प्रकरणी अज्ञात आरोपी विरुद्ध गुन्हा दाखल करण्यात आला आहे.