नांदेड- अभियांत्रिकीच्या द्वितीय वर्षात शिक्षण घेणार्‍या एका २४ वर्षीय विद्यार्थ्याने वस्तीगृहात गळफास घेवून आत्महत्या केली. ही घटना सोमवारी सकाळी उघडकीस आली आहे. तरूणाने आत्महत्या का केली हे मात्र स्पष्ट होवू शकले नाही.
अरविंद मोहन जाधव (वय.२४) असे आत्महत्या करणाऱ्या विद्यार्थ्याचे नाव आहे. तो उमरी तालुक्यातील वाघाळा तांडा येथील रहिवाशी असून शहराबाहेरील एका नामांकित अभियांत्रिकी महाविद्यालयात शिक्षण घेत होता. आणि त्याच महाविद्यालयाच्या वस्तीगृहात तो राहत होता. दरम्यान, रविवारी मध्यरात्री अरविंद जाधव याने आपल्या वस्तीगृहातील रूममध्ये गळफास घेऊन आत्महत्या केली.
सदर घटनेची माहिती महाविद्यालयातील तरुणांनी महाविद्यालय प्रशासनाला दिल्यानंतर प्रशासनाने या बाबतची माहिती नांदेड ग्रामीण पोलिसांना दिली. पोलिसांनी घटनास्थळी जावून पंचनामा केला. मात्र, अरविंदने आत्महत्या का केली. हे मात्र स्पष्ट होवू शकले नाही. या प्रकरणाचा अधिक तपास पोलीस करत आहेत.
हेही वाचा- शेतकरी आंदोलनातील गुन्हे मागे घ्या- प्रल्हाद इंगोले
