नांदेड - लोकसभेत ऐतिहासिक विजय संपादन केल्यानंतर मतदारसंघातील पहिल्याच दौऱ्यात प्रताप पाटील चिखलीकर यांनी जनता दरबार घेण्याची घोषणा केली होती. दिलेला शब्द पाळून २२ ऑगस्टला भोकर, मुदखेड व अर्धापूर येथे खासदारांच्या जनता दरबाराचे आयोजन करण्यात आले आहे.
२ ऑगस्टला मुदखेड, भोकरसह अर्धापूरला जनता दरबार भरणार आहे.
२२ ऑगस्टला भोकर विधानसभा क्षेत्रातील मुदखेड तहसील कार्यालयात सकाळी १० वाजता, भोकर तहसील कार्यालय येथे १२ वाजता व अर्धापूर तहसील कार्यालय येथे दुपारी ४ वाजता खासदारांचा जनता दरबार भरणार आहे. यावेळी सर्व विभागप्रमुख उपस्थित राहणार आहेत.
या जनता दरबारात त्या-त्या तालुक्यातील जनतेच्या अडचणी, गावची समस्या, प्रलंबित कामे, नव्याने घ्यावयाची कामे असे विषय चर्चीले जाणार आहेत. तेव्हा नागरिकांनी या जनता दरबाराचा लाभ घ्यावा, असे आवाहन करण्यात आले आहे.
