अशोक चव्हाण हे लीडर नसून डीलर आहेत - देवेंद्र फडणवीस

नांदेड लोकसभा मतदारसंघातून भाजप-शिवसेना युतीचे उमेदवार प्रताप पाटील चिखलीकर हे उभे आहेत. त्यांच्या प्रचारार्थ नांदेडजवळील असर्जन कौठा ( मामा चौक ) येथे सभेचे आयोजन करण्यात आले होते. या सभेला ते संबोधित करत होते.

नांदेड - अशोकराव यांना मोठी पदे मिळुनही विकास करू शकले नाहीत. चव्हाणांकडे रॉकेल, पेट्रोलपासून ते मोटारसायकलपर्यंत डीलरशिप असून ते 'लीडर' नाहीतर 'डीलर' आहेत, अशी टीका मुख्यमंत्री देवेंद्र फडणवीस यांनी केली. नांदेड मतदारसंघातील महायुतीचे उमेदवार प्रताप पाटील चिखलीकर यांच्या प्रचारार्थ आयोजित सभेत ते बोलत होते. यावेळी पंतप्रधान नरेंद्र मोदी यांच्यासह युतीचे मोठे नेते उपस्थित होते.

मराठवाड्यात रेल्वेची १३ हजार कोटींची कामे सुरू आहेत. नांदेड जिल्ह्यात रस्त्याची ८ हजार ५०० कोटी रुपयांची कामे सुरू आहेत. लेंडीसारखे प्रकल्पाचे काम सुरू असून सिंचनाचे प्रकल्प मार्गी लागत आहेत. १२०० कोटी रुपयांचा विमा मिळाला असून केंद्र सरकारने संकटकाळी मराठवाड्याला मदत केल्याचा दावा मुख्यमंत्री फडणवीस यांनी यावेळी केला. काँग्रेसचे प्रदेशाध्यक्ष खासदार अशोक चव्हाण यांच्यावर कडाडून टीका करताना त्यांना डिलर म्हणून उल्लेख केला. यावेळी लीडर म्हणून निवडून आणण्यासाठी प्रताप पाटील चिखलीकर यांच्या रूपाने सक्षम उमेदवार दिल्याचे ते म्हणाले. २०१४ मध्ये नांदेडचा विजय थोडक्यातून गेला. मात्र, यावेळी नांदेडमध्येही मोदी सरकार येईल, असा विश्वास मुख्यमंत्र्यांनी व्यक्त केला.

• Despite getting opportunity to serve as Minister & CM, @AshokChavanINC has done nothing for Nanded.
  
  Congress party has NO LEADERS but only DEALERS !
  
  And on seeing the manifesto of Congress, I ask Rahul Gandhi, if this manifesto is of your party or of Jaish-e-Mohammed? pic.twitter.com/yLu8EXlnIr

  — Chowkidar Devendra Fadnavis (@Dev_Fadnavis) April 6, 2019 " class="align-text-top noRightClick twitterSection" data="

  Despite getting opportunity to serve as Minister & CM, @AshokChavanINC has done nothing for Nanded.
  
  Congress party has NO LEADERS but only DEALERS !
  
  And on seeing the manifesto of Congress, I ask Rahul Gandhi, if this manifesto is of your party or of Jaish-e-Mohammed? pic.twitter.com/yLu8EXlnIr

  — Chowkidar Devendra Fadnavis (@Dev_Fadnavis) April 6, 2019

  ">

  Despite getting opportunity to serve as Minister & CM, @AshokChavanINC has done nothing for Nanded.
  
  Congress party has NO LEADERS but only DEALERS !
  
  And on seeing the manifesto of Congress, I ask Rahul Gandhi, if this manifesto is of your party or of Jaish-e-Mohammed? pic.twitter.com/yLu8EXlnIr

  — Chowkidar Devendra Fadnavis (@Dev_Fadnavis) April 6, 2019

यावेळी युतीचे उमेदवार प्रतापराव पाटील चिखलीकर यांनी बोलताना चव्हाणांना लक्ष्य केले. नांदेडमध्ये चव्हाण आणि काँग्रेसची सत्ता असतानाही एकही उद्योग आणला नाही. सध्या आहेत ते उद्योग बंद पाडले. नांदेडमध्ये मोदी टायर्ससने ४०० एकर संपादीत केली आहे. मात्र, अजूनही उद्योग सुरू नाही. मात्र, भाजप सरकारने लगेच नांदेड-देगलूर-बिदर या रेल्वे मार्गाला मंजुरी दिली. नांदेड लोहा-लातूर मार्गालाही आपण मंजुरी देऊन काम सुरू करावे, अशी मागणी त्यांनी यावेळी केली. याशिवाय दमणगंगा-पिंजा या नदीचे पाणी नदीजोड प्रकल्पाच्या माध्यमातून गोदावरीला जोडावे, लेंडी प्रकल्प पूर्ण करावा, गुरुद्वारा बोर्डाच्या संदर्भातील कलम ११ रद्द करावे अशा विविध मागण्यांही त्यांनी यावेळी बोलून दाखविल्या. नांदेडची लढाई ही माझी एकट्याची नसून सर्व नांदेडवासीयांची आहे. यावेळी नक्कीच नांदेडला भाजपचा खासदार होईल, असा विश्वास चिखलीकरांनी व्यक्त केला.

या सभेस मुख्यमंत्री देवेंद्र फडणवीस, प्रदेशाध्यक्ष रावसाहेब दानवे, कामगार मंत्री संभाजी पाटील निलंगेकर, पाणीपुरवठा मंत्री बबनराव लोणीकर आदी उपस्थित होते.