नांदेड - शहरात शारिरीक संबंध ठेवण्यासाठी एका अल्पवयीन मुलीला मारहाण करुन विनयभंग केल्याची घटना घडली आहे. याप्रकरणी, पोलिसांनी तिघांविरुध्द विविध कलमान्वये गुन्हा दाखल केला आहे.
नांदेड ग्रामीण पोलीस ठाण्याच्या हद्दीत पोलीस ठाण्यापासून जवळ असलेल्या एका गावात एक अल्पवयीन मुलगी नेहमीप्रमाणे शिकवणीला गेली होती. शिकवणीवरून परतत असताना १७ ते १९ जुलै दरम्यान सायंकाळी ७.३० वाजता तिला तिघांनी रोखले. अश्लील चाळे आणि शिवीगाळ करत माझ्यासोबत शारिरीक संबंध ठेव, असे म्हणून तिला मारहाण केली. जर तू माझ्यासोबत शारिरीक संबंध ठेवणार नसशील, तर तुझ्यासमोर तुझ्या आई-वडिलांना जिवंत मारुन टाकू, अशी धमकीही दिली.
या अमानुष कृत्यात आकाशला रवी आठवले व क्षितिज चव्हाण यांनीही साथ दिली. याप्रकरणी, पीडितेच्या पालकांनी दिलेल्या फिर्यादीवर नांदेड ग्रामीण पोलिसांनी आरोपींविरुद्ध पोक्सो आणि विविध कलमांद्वारे गुन्हा दाखल केला आहे. याप्रकरणी पुढील तपास पोलीस उपनिरीक्षक शिंदे करीत आहेत.
