नागपूर - प्रसिद्ध अभिनेता आणि भाजप खासदार सनी देओल आज नागपुरात असताना त्यांनी रेशीमबाग येथील राष्ट्रीय स्वयंसेवक संघाच्या हेडगेवार स्मृती भवनास भेट दिली. ते आज नागपुरात मातृभूमी प्रतिष्ठानच्या आयोजित सामूहिक वंदे मातरम कार्यक्रमात सहभागी झाले होते.
रेशीमबाग येथील राष्ट्रीय स्वयंसेवक संघाच्या हेडगेवार स्मृती भावनात सनी देओल यांचे आगमन झाले. यावेळी संघाचे सदस्य रवींद्र बोकारे यांनी सनी देओल यांचे स्वागत केले. यावेळी केंद्रीय रस्ते व परिवहन मंत्री नितीन गडकरी हे देखील उपस्थित होते. यावेळी सनी देओल यांनी स्मृती मंदिरात असणाऱ्या संघ कार्यकर्त्यांशी बातचीत केली. याशिवाय त्यांनी स्मृती मंदिराविषयी माहिती जाणून घेतली. भाजप खासदर सनी देओल हे नागपुरा पार पडलेल्या सामूहिक वंदे मातरम कार्यक्रमासाठी आले होते. यावेळी त्यांनी जात पात मानायची नाही तर, फक्त मानवता धर्म पाळायचा असे विद्यार्थ्यांना उद्देशून केलेल्या भाषणात केले. याची मात्र फार चर्चा होताना दिसत आहे.
