'मनपा शाळांचा दर्जा सुधारण्यासाठी मनपाच्या अर्थसंकल्पात २० टक्के निधी देणार'

नागपूर महानगरपालिकेच्या क्षेत्रातील ६० शाळांना अत्याधुनिक(डिजिटल)करण्यात येणार आहे. सोबतच मनपा विद्यांर्थांना शहरातंर्गत असणाऱ्या 'आपली बस'मध्ये मोफत पासेस व एका विशेष बसला मंजुरी मिळणार आहे.

नागपूर - २०१५ पासून सातत्याने महानगरपालिकेकडे 'आप'ने नागपुरातील शाळांचा स्तर उंचावण्यासाठी निवेदन सादर केले होते. मात्र, त्यावर योग्य अंमलबजावणी होत नव्हती. अखेर 'आप'च्या कार्यकर्त्यांना यासाठी २६ जानेवारीपासून मनपाविरुद्ध आंदोलने व उपोषणाला बसावे लागले. या आंदोलनामुळे मनपाला जाग आली आणि आगामी अर्थसंकल्पात मनपा शाळांना आधुनिक करण्यासाठी शिक्षणावर २०% निधी मंजुर करण्याचे आश्वासन देण्यात आले आहे.

या माध्यमातून नागपूर महानगरपालिकेच्या क्षेत्रातील ६० शाळांना अत्याधुनिक(डिजिटल)करण्यात येणार आहे. सोबतच मनपा विद्यांर्थांना शहरातंर्गत असणाऱ्या 'आपली बस'मध्ये मोफत पासेस व एका विशेष बसला मंजुरी मिळणार आहे. या सर्व सुविधा आगामी शैक्षणिक स्तरापासून सुरू होणार आहे, अशी माहिती 'आप'चे कार्यकर्ते दीपक साने यांनी दिली.