नागपूर - वडगाव तलावात बुडून एका 10 वर्षीय मुलाचा मृत्यू झाल्याची घटना घडली. फोटो काढत असताना त्याचा तोल गेल्याने वडगाव डॅम लगतच्या कालव्यामध्ये पडून या मुलाचा मृत्यू झाला आहे. अमन राजेश निमजे, असे मृत मुलाचे नाव आहे.
याबाबत अधिक माहिती अशी की, नागपूर जिल्ह्याच्या उमरेड तालुक्यात असलेल्या वडगाव धरण येथे अमन हा त्याच्या नातेवाईकांसोबत फिरायला गेला होता. त्यावेळी अमन हा फोटो काढत असताना त्याचा अचानक तोल गेल्याने तो वडगाव डॅम लगतच्या कालव्यामध्ये पडला. त्यामुळे त्याचा मृत्यू झाला. अमन हा घरी रक्षाबंधनासाठी आलेल्या पाहुण्यांना रविवारी संध्याकाळी डॅमवर घेऊन गेला होता. त्याचवेळी त्याचा दुर्दैवी मृत्यू झाला. या घटनेमुळे परिसरातून हळहळ व्यक्त होत आहे.
