नागपूर - शहरातील म्हाळगी नगर चौकात भरधाव टिप्परने दुचाकीस्वार महिलेला जोरदार धडक दिल्याची घटना घडली. यामध्ये महिलेचा जागीच मृत्यू झाला. सुचित्रा कुडे असे मृत महिलेचे नाव आहे.
नागपुरात भरधाव टिप्परची दुचाकीला धडक, महिला जागीच ठार
सुचित्रा कुडे ही महिला काही कामासाठी हुडकेश्वर परिसरात गेली होती. त्यावेळी म्हाळगी नगर चौकात पाठीमागून आलेल्या टिप्परने त्यांच्या दुचाकीला जोरदार धडक दिली. यामध्ये त्यांचा घटनास्थळीच मृत्यू झाला. घटनेनंतर चालकाने पळ काढला. त्यानंतर संतप्त झालेल्या नागरिकांनी टिप्परची तोडफोड करून रोष व्यक्त केला.
घटनेची माहिती मिळताच हुडकेश्वर पोलीस ठाण्याचे पोलीस कर्मचारी घटनास्थळी दाखल झाले. पोलिसांनी मृतदेह उत्तरीय तपासणीसाठी पाठवून ट्रक जप्त केला आहे.
