मुंबई - कोरोनाच्या भयानक संकटात भाजपला राजकारण सुचत आहे. काळे कपडे घालून त्यांनी महाराष्ट्र बचावचा नारा देत 'मेरा आंगन मेरा रणांगण' हे निषेध आंदोलन सुरू केले. मात्र, महाविकास आघाडीच्या समर्थनाथ आणि भाजपच्या विरोधात टिव्टरवॉर पेटल्याचे चित्र आज पाहायला मिळाले. भाजपच्या आजच्या आंदोलना विरोध करण्यासाठी टिव्टरवरती आज दिवसभर #महाराष्ट्रद्रोहीbjp असा ट्रेंड सुरू आहे. या ट्विटर ट्रेंडवरू भाजपच्या #महाराष्ट्रबचावला कडाडून विरोध झाल्याचे चित्र पाहायला मिळाले.
दिवसभरात भाजपच्या 'महाराष्ट्र बचाव' या ट्विटर ट्रेंडला 'महाराष्ट्रद्रोहीभाजप' या हॅशटॅगने ट्विट करून जवळपास १ लाखांहून अधिक नेटिझन्सने उत्तर दिले. त्यामुळे भाजपच्या महाराष्ट्र बचाव या हॅशटॅगची हवाच निघून गेल्याचे चित्र पाहायला मिळाले.
कोरोना विरूद्ध महाराष्ट्र विकास आघाडी सरकार लढत असताना देखील राज्यात गोंधळाची परिस्थिती निर्माण करण्याचा प्रयत्न भाजपकडून होत आहे, अशी टीका महाराष्ट् द्रोहीbjp या हॅशटॅगच्या माध्यमातून सोशल मीडियावर करण्यात येत आहे. काही वेळातच हा हॅशटॅग व्हायरल झाला. या माध्यमातूनही काँग्रेस, राष्ट्रवादी, सेनेच्या फॉलोअर्सनी एकी दाखवत हा हॅशटॅग ट्रेडिंगमध्ये अव्वल स्थानी आणून ठेवला आहे.
