राखी सावंत पाकिस्तानची सून बनणार, 'या' पोलिस अधिकाऱ्याशी करणार लग्न

राखी सावंत आता पाकिस्तानी पोलीस अधिकारी दोदी खानबरोबर लग्न करणार आहे. तिनं याबद्दल माहिती सोशल मीडियाच्या माध्यामातून दिली आहे.

मुंबई : राखी सावंत पुन्हा एकदा सोशल मीडियावर चर्चेत आली आहे. राखी सावंत नुकतीच पाकिस्तानला गेली होती. आता राखीच्या लग्नाची चर्चा सोशल मीडियावर सुरू झाली आहे. राखी सावंतबद्दल असं म्हटलं जात आहे की, ती पाकिस्तानची सून होणार आहे. तिनं पाकिस्तानमध्ये स्वतःसाठी वर शोधला आहे. पाकिस्तानमधील एका व्यक्तीनं राखी सावंतला लग्नासाठी प्रपोज केलंय. यानंतर राखीनं म्हटलं की, "पाकिस्तान हा खूप चांगला देश आहे आणि येथे भारताबद्दल खूप प्रेम आहे. मी दोन्ही देशांना मैत्रीपूर्ण बनवेल." राखी सावंतनं यापूर्वी दोनदा लग्न केली आहे, ती आता तिसऱ्यांदा लग्न करणार आहे. राखी सावंतनं पासपोर्ट दाखवतानाचा एक व्हिडिओ सोशल मीडियावर शेअर केला आहे.

राखी सावंत पाकिस्तानची सून होईल? : मीडिया रिपोर्ट्सवर विश्वास ठेवला तर, राखी आता पाकिस्तान देशाची सून होणार आहे. तिनं एका संवादादरम्यान म्हटलं होतं, "मला पाकिस्तानातून अनेक लग्नाचे प्रस्ताव आले आहेत. माझे दोन्ही लग्न किती अपयशी ठरले आहेत. मी खूप अत्याचारांना तोंड दिलं आहे, हे पाकिस्तानी लोकांना माहिती आहे. आता मी फक्त पाकिस्तानमध्येच लग्न करेन." यानंतर राखीनं पुढं म्हटलं. "अनेक भारतीय आणि पाकिस्तानी जोडप्यांनी लग्न केले आहे आणि ते परदेशात स्थायिक झाले आहेत. ते जोडपे एक उत्तम वैवाहिक जीवन जगत आहेत. भारतीय आणि पाकिस्तानी एकमेकांशिवाय राहू शकत नाहीत. मला पाकिस्तान आणि तिथेल लोक आवडतात आणि माझे येथेही बरेच चाहते आहेत." दरम्यान राखी सावंत पाकिस्तानचा माजी वेगवान गोलंदाज वसीम अक्रमलाही भेटली होती. याशिवाय ती पाकिस्तानी अभिनेत्री हानिया आमिरला देखील भेटायला गेला होती.

View this post on Instagram

A post shared by Ansar Akram (@ansarakramuae)

View this post on Instagram

A post shared by Dodi Khan (@dodi_khan)

View this post on Instagram

A post shared by 𝙱𝚎𝚜𝚝𝚒𝚎𝚜_𝚕𝚘𝚟𝚎𝚕𝚒𝚏𝚎_ (@mahirabi_edits)

राखी सावंत कोणाशी लग्न करणार? : तसेच राखी सावंत तिचा कथित प्रियकर दोदी खानशी लग्न करणार आहे. राखीनं पुढं सांगितलं की, "दोदी खान एक अभिनेता आणि पोलीस आहे. लग्न पाकिस्तानमध्ये होईल, रिसेप्शन भारतात होईल आणि हनिमून स्वित्झर्लंड किंवा नेदरलँड्समध्ये होईल. यानंतर आम्ही दुबईच्या हॉटेलमध्ये स्थायिक होणार आहे." दोदी खाननं तिच्या इंस्टाग्राम अकाउंटवर राखीला लग्नाची मिरवणूक कुठून आणायची असं देखील विचारलं होतं. आता त्याचा व्हिडिओ सोशल मीडियावर व्हायरल होत आहे. राखीनं तिचं पहिलं लग्न रितेश सिंगबरोबर केलं होतं. यानंतर तिचे दुसरे लग्न आदिल खान दुर्राणीबरोबर झालं होतं.

हेही वाचा :