Egg Benefits For Face Skin: आपल्यापैकी अनेक लोक सकाळच्या न्याहारीत अंडी खातात. रोज अंडी खाल्ल्यास आरोग्यदायी अनेक फायदे होतात. तज्ज्ञांच्या मते, अंड्यामध्ये प्रथिनांसह, जीवनसत्त्वे, खनिजे, प्रोटीन, कार्ब्स, झिंक, कॅल्शियम, व्हिटॅमिन ए, बी 2, बी 5, बी 12 तसचं व्हिटॅमिन डी यासारखे पोषक घटक आढळतात. जे सुदृष्ढ आरोग्यासाठी खूप फायदेशीर आहेत. मात्र, अंडी केवळ आरोग्यासाठीचं नाही तर सौंदर्यासाठी देखील फायदेशीर असल्याचं स्पष्ट झालं आहे. चाला तर पाहूया सौंदर्याच्या दृष्टीनं अंडी कशी फायदेशीर आहेत.
अंड्याचा पांढरा भाग चेहऱ्यावर लावल्याने चेहऱ्यावर दिसणाऱ्या सुरकुत्या आणि बारीक रेषा टाळता येतात, असं तज्ज्ञांचं म्हणणं आहे. अंड्याचा पांढरा भाग चेहऱ्यावर लावल्यास त्वचा टाईट होते. असं 2018 मध्ये, जर्नल ऑफ कॉस्मेटिक डर्माटोलॉजीमध्ये प्रकाशित झालेल्या "एग व्हाइट प्रोटीन ॲज अ स्किन टाइटनिंग एजंट" या अभ्यासात स्पष्ट झालं आहे. अंड्याचा पाढऱ्या भागाचा लेप आठवड्यातून दोनदा लावल्यानं चेहऱ्यावर तारुण्यासारखी चमकू येवू शकते, असं तज्ज्ञांचं म्हणणं आहे.
- आपल्यापैकी अनेकांना डोळ्यांखाली सूज आल्याने अस्वस्थता जाणवते. मात्र, हा त्रास कमी करण्यासाठी अंड्याच्या पांढऱ्या भागानं डोळ्याच्या खाली हळू-हळू मसाज करा आणि काही वेळानंतर थंड पाण्याने चेहरा धुवा. चांगल्या परिणामासाठी चेहरा धुतल्यानंतर खोबरेल तेल लावा. असं केल्यास तुम्हाला चांगला फायदा होईल.
- तज्ज्ञांच्या मते, अंडी मुरुमांवर चांगले काम करते. अंड्याच्या पांढऱ्या भागामध्ये टी ट्री ऑइलचे दोन किंवा तीन थेंब टाका आणि ते पिंपल्सवर हळूहळू लावा. यामुळे पिंपल्स आणि त्यामुळे होणारे डाग कमी होतात. शिवाय, असं म्हटलं जातं की, तेलकट त्वचा असलेल्या लोकांनी ही टिप फॉलो कल्यास त्यांना समस्येपासून मुक्ती मिळू शकते.
- चेहऱ्यावर जास्त छिद्र असलेल्या लोकांनी प्रथम कोमट पाण्याने चेहरा धुवा आणि अंड्याचा पांढरा थर चेहऱ्याला लावा. चेहरा वाढल्यानंतर पाण्यानं स्वच्छ धूवा. असं केल्यास त्वचेचे छिद्र स्वच्छ होतात.
- अंड्यातील पांढऱ्या भागासह पिवळा बलक देखील चेहऱ्यासाठी फायदेशीर आहे. पिवळा बलक चेहऱ्यावर लावल्याने त्वचेला आवश्यक मॉइश्चरायझर मिळतं. आणि त्वचा हायड्रेट राहते. तसंच पिवळा बलक वातावरणातील प्रदूषणापासून त्वचेचे रक्षण करते असं जाणकारचं मत आहे.
संदर्भ
