- मुंबई- राज्यात कालच्या तुलनेत आज कोरोनाबाधितांमध्ये घट झाली आहे. मात्र तरी देखील संख्या ही चिंता वाढवणारीच आहे. राज्यात सोमवारी दिवसभरात 24 हजार 645 कोरोनाबाधितांची नोंद झाली असून, 58 रुग्णांचा मृत्यू झाला आहे.
सविस्तर वाचा : सोमवारी राज्यात 24 हजार 645 कोरोनाबाधितांची नोंद
- मुंबई : तुरुंगांमध्ये कोरोनाचा प्रसार रोखण्यासाठी आता कैद्यांनाही लस दिली जाणार आहे. कोविन ऍपवर नोंदणी न करता कारागृहातील नोंदणीच्या आधारे कैद्यांना लस दिली जाणार आहे. त्यासाठी कारागृह व्यवस्थापनाला कस्तुरबा, नायर व जे.जे. रुग्णालय ही तीन रुग्णालये सूचवण्यात आल्याची माहिती पालिकेचे अतिरिक्त आयुक्त सुरेश काकाणी यांनी दिली.
सविस्तर वाचा : मुंबईत तुरुंगातील वयोवृद्ध, आजारी कैद्यांचेही होणार लसीकरण
- मुंबई - आशिया खंडातील सर्वात मोठी झोपडपट्टी म्हणून धारावीची ओळख आहे. या धारावीत आटोक्यात आलेल्या कोरोनाने पुन्हा डोकेवर काढले आहे. मागील काही दिवसांपासून येथील कोरोना रुग्णांची आकडेवारी वाढते आहे. आज सोमवारी दिवसभरात धारावीत ४० नवीन रुग्णांची नोंद झाली आहे. त्यामुळे ६० ते ७०पेक्षाही कमी असलेल्या अ‌ॅक्टिव्ह रुग्णांची संख्या आता १८०वर पोहोचली आहे. त्यामुळे पालिका प्रशासन सतर्क झाले आहे. तसेच या पार्श्वभूमीवर पालिकेने नियमावलीच्या कडक अंमलबजावणीला सुरुवात केली आहे.
सविस्तर वाचा : धारावीत पुन्हा कोरोनाच्या रुग्णसंख्येत वाढ; ४० नवीन रुग्णांची नोंद तर अ‌ॅक्टिव्ह रुग्णांची संख्या १८०वर
- नवी दिल्ली - देशात पेट्रोल व डिझेलच्या दराने उच्चांक गाठला असताना केंद्र सरकारला मिळणाऱ्या घसघशीत कमाईची आकडेवारी समोर आली आहे. गेल्या सहा वर्षात केंद्र सरकारला पेट्रोल आणि डिझेलवरून मिळणाऱ्या कर संकलनात ३०० टक्क्यांची वाढ झाली आहे. ही माहिती केंद्रीय राज्य अर्थमंत्री अनुराग ठाकूर यांनी विचारलेल्या प्रश्नाला लेखी उत्तरातून दिली आहे.
सविस्तर वाचा : घसघशीत कमाई: केंद्राला पेट्रोल-डिझेलमधून मिळणाऱ्या करसंकलनात सहा वर्षात ३०० टक्क्यांनी वाढ
- नागपूर : राज्याचे विरोधी पक्षनेते देवेंद्र फडणवीस यांच्या नागपुरातील निवासस्थानी सुरक्षा व्यवस्था वाढविण्यात आलीय. त्यांच्या निवासस्थानी एसआरपीएफचे सशस्त्र जवान, शहर पोलीस दलाचे जवान आणि खाजगी सुरक्षा रक्षक असा बंदोबस्त लावण्यात आला आहे. अँटिलिया, मनसुख हिरेन आणि आता परमबीर सिंग यांच्या पत्रावरून राज्यातील राजकारण तापलेलं असतानाच फडणवीस यांच्या निवासस्थानाची सुरक्षा वाढविण्यात आली आहे हे विशेष.
सविस्तर वाचा- देवेंद्र फडणवीस यांच्या नागपुरातील निवासस्थानाबाहेर सुरक्षा वाढविली
- मुंबई - मुख्यमंत्री उद्धव ठाकरे यांच्यासोबत महसूलमंत्री बाळासाहेब थोरात यांची बैठक झाली. या बैठकीनंतर त्यांनी माध्यमांशी संवाद साधला. यावेळी ते म्हणाले, मुख्यमंत्र्यांसोबत परमबीर सिंग प्रकरणाबाबत चर्चा झाली. एखाद्या अधिकाऱ्याने पत्र लिहिले म्हणून मंत्र्यांचा राजीनामा घेतला जात नाही. तसेच या मुद्द्यावर तिन्ही पक्षाचे नेते बैठक घेतील.
सविस्तर वाचा- अधिकाऱ्याने पत्र लिहिले म्हणून मंत्र्यांचा राजीनामा घेतला जात नाही - बाळासाहेब थोरात
- मुंबई : मुख्यमंत्र्यांना पाठविलेल्या पत्रातून गृहमंत्री अनिल देशमुखांवर भ्रष्टाचाराचे आरोप केल्यानंतर परमबीर सिंग यांनी आता थेट सर्वोच्च न्यायालयाचे दार ठोठावले आहे. या प्रकरणी अनिल देशमुखांच्या विरोधात भ्रष्टाचाराच्या चौकशीची मागणी करणारी याचिका त्यांनी सर्वोच्च न्यायालयात दाखल केली आहे. त्यामुळे आता या प्रकरणी पुढील घडामोडींकडे सर्वांचे लक्ष लागले आहे.
सविस्तर वाचा- अनिल देशमुखांविरोधात परमबीर सिंग सर्वोच्च न्यायालयात, याचिकेतून भ्रष्टाचाराच्या चौकशीची मागणी
- मुंबई - एल्गार परिषद आणि शहरी नक्षलवाद प्रकरणी आरोपी स्टेन स्वामींचा जामीन एनआयए कोर्टाने आज फेटाळला आहे. एनआयएने फादर स्टेन स्वामी यांच्या जामिनाला विरोध केला होता.
सविस्तर वाचा- कोरेगाव भीमा प्रकरण; आरोपी फादर स्टेन स्वामी यांचा जामीन एनआयए कोर्टाने फेटाळला
- मुंबई - मुंबईत माजी पोलीस आयुक्त परमबीर सिंग यांनी एका पत्राद्वारे गृहमंत्री अनिल देशमुख यांच्यावर गंभीर आरोप केले आहेत. त्यानंतर अनिल देशमुख यांनी राजीनामा द्यावा, अशी मागणी राज्यातील विरोधी पक्ष भाजप करत आहे. पण आज राष्ट्रवादीचे सर्वेसर्वा शरद पवार यांनी पत्रकार परिषद घेऊन अनिल देशमुख यांच्या वरती केलेले सर्व आरोप फेटाळले आहेत. गृहमंत्री अनिल देशमुख 15 ते 27 फेब्रुवारीपर्यंत घरी विलगीकरणामध्ये असल्याचा दावा, पवारांनी केला आहे. त्यावर भाजपचे नेते सुधीर मुनगंटीवार यांनी पत्रकार परिषद घेऊन यावर टीका केली. अनिल देशमुख यांनी 15 फेब्रुवारीला एक पत्रकार परिषद बोलाविली होती आणि त्याचा दाखला हा त्यांच्याच ट्विटर अकाउंटवरती आहे. त्यामुळे शरद पवार हे गृहमंत्री अनिल देशमुख यांना वाचवण्यासाठी खोटं बोलत आहेत, अशी टीका मुनगंटीवार यांनी केली.
सविस्तर वाचा- शरद पवारांकडून गृहमंत्री अनिल देशमुखांना वाचवण्याचा प्रयत्न - सुधीर मुनगंटीवार
- कोल्लम (केरळ) - निवडणुकीच्या वेळी अनेक वेगवेगळे प्रयोग केल्याची अशी उदाहरणे आपण पाहिली आहेत. डिसेंबर 2020मध्ये, स्थानिक स्वराज्य संस्थांच्या निवडणुकांदरम्यान, मास्कवर पक्षाची चिन्हे छापणे, हा एक ट्रेंड झाला होता. यानंतर आता आणखी एक प्रयोग समोर आला आहे. यानंतर आता राज्यात होत असलेल्या विधानसभेच्या निवडणुकांदरम्यान, पक्षाचे चिन्ह आणि उमेदवाराचा फोटो हा चक्क डोसा या खाद्यपदार्थावर काढला जात आहे. कोल्लम जिल्ह्यातील डोसा शॉपवर हा प्रयोग करण्यात येत आहे. दरम्यान, कोल्लम बीच रस्त्यावरील हा प्रयोग लोकांना आकर्षित करत आहे.
सविस्तर वाचा- चक्क डोशावर पक्षाची चिन्हे! केरळ विधानसभा निवडणुकीतील रंगत
