मुंबई: पंतप्रधान नरेंद्र मोदी यांना जीवे मारण्याची धमकी देणारा (Threatens to kill PM Modi) मेल एनआयएच्या मुंबई शाखे कडे (At the NIA branch in Mumbai) आला आहे. मोदींना मारण्यासाठी 20 स्लीपर सेल तयार असल्याचा उल्लेख मेल मध्ये असून त्यांना मारण्यासाठी 20 किलो आरडीएक्स तयार असल्याचे म्हणले आहे. धमकी देणाऱ्याने त्यांचे दहशतवाद्यांशी संबंध असल्याचा दावा केला आहे.
राष्ट्रीय तपास यंत्रणेच्या मुंबई शाखेला एक ई-मेल आला आहे. यामध्ये पंतप्रधान नरेंद्र मोदी यांनी जीवे मारण्याची धमकी देण्यात आली आहे. नरेंद्र मोदी यांच्यावर हल्ला करण्यासाठी दहशतवाद्यांचे २० गट सक्रिय झाल्याचे तसेच आरडीएक्सच्या साहाय्याने स्फोट घडवून मोदींचा घातपात करण्यात येईल, असे या मेलमध्ये म्हटले आहे. हल्ल्याची योजना तयार आहे. तसेच दहशतवादी संघटनांशी संबंध असल्याचे म्हणले आहे. एनआयए कडून संबंधित मेलचा तपास सुरू आहे. तसेच गृहमंत्रालयाकडून इतर केंद्रीय तपास यंत्रणेला अलर्ट देण्यात आला आहे.
काय म्हणले आहे मेल मधे : या संदर्भात केलेल्या ईमेल मधे त्याने म्हणले आहे की, माझ्याकडे 20 किलो पेक्षा जास्त आरडीएक्स आहेत आणि मी 20 मोठे हल्ला करण्याची योजना आखली आ. हे हल्ले सर्व 20 प्रमुख शहरांमध्ये करण्याचे नियोजन केले आहे. मला जमेल तितक्या लवकर मोदींना मारायचे आहे. त्यामुळे मी मोठे बाॅंबस्फोट करणार आहे. मोदींमुळे माझे जीवन नष्ट झाले आहे. मी आता कोणालाही सोडणार नाही. मी लाखो लोकांना मारणार आहे. मी त्यासाठी दहशतवाद्यांना भेटलो आहे. त्यांनी मला सहज आरडीएक्स उपलब्द करुन दिले आहे. मी सर्वत्र स्फोट करणार आहे. मला थांबवण्याचा प्रयत्न करायचा असेल तर करा पण मी हल्ले करण्याचे पुर्ण नियोजन केले आहे.
अनेकदा धमक्या 18 जानेवारी 2022: गुप्तचर यंत्रणांना या वर्षी प्रजासत्ताक दिनी पंतप्रधान नरेंद्र मोदी आणि इतर मान्यवरांना लक्ष्य करणार्‍या संभाव्य दहशतवादी योजनेबद्दल काही तपशील मिळाले होते. इंडिया टुडेच्या अहवालानुसार, नऊ पानांच्या इंटेलिजन्स फीडने हे उघड केले होते की, पंतप्रधान मोदी आणि भारताच्या 75 व्या प्रजासत्ताक दिनाच्या सोहळ्याला उपस्थित असलेले इतर मान्यवर धोक्यात होते.
04 जुन 2021: एका 22 वर्षीय व्यक्तीने पोलीस नियंत्रण कक्षाला फोन करून पंतप्रधान नरेंद्र मोदींना जीवे मारण्याची धमकी दिल्याचे पोलिसांनी स्पष्ट केले होते. त्यानंतर त्याला दिल्लीतील खजुरी खास परिसरातून अटक करण्यात आली होती. पोलिसांनी त्यावेळी सांगितले होते की, सलमान उर्फ अरमान या आरोपीने गुरुवारी मध्यरात्री फोन करून पंतप्रधानांना जीवे मारण्याची धमकी दिली होती.
03 सप्टेंबर 2020: राष्ट्रीय तपास संस्थेने पंतप्रधान नरेंद्र मोदी यांना जीवे मारण्याची धमकी देणारा एक ईमेल मीळवला होता. त्यात नरेंद्र मोदींना मार' या 3 शब्दांची धमकी होती. टाईम्स नाऊच्या म्हणण्यानुसार, एनआयएने गृह मंत्रालयाच्या अंतर्गत एक पत्र लिहून पंतप्रधान मोदींना जीवे मारण्याच्या धमकीचा तपशील दिला. एनआयएला धमकी देणारे ईमेल मिळाले होते. धमकीच्या पार्श्वभूमीवर सुरक्षा एजन्सींनी पंतप्रधान मोदींचे संरक्षण वाढवले होते.
19 आक्टोबर 2018: पंतप्रधान नरेंद्र मोदी यांच्या जिवावर हल्ला करण्याच्या संभाव्य प्रयत्नाचा ईमेल मिळाल्याने सुरक्षा यंत्रणा चक्रावल्या होत्या. ऑक्टोबर महिण्यात आलेला ईमेल एका महिन्यातला दुसरा होता पहिला मेल सप्टेंबर 2018 च्या सुरुवातीला प्राप्त झाला होता. तो आसाममधील कचार जिल्ह्यातुन आल्याचे निष्पन्न झाले होते. एका मेल मधे म्हणले होते की, पाकिस्तानी गुप्तचर संस्था इंटर सर्व्हिसेस इंटेलिजन्सचे उच्च प्रशिक्षित एजंट पंतप्रधानांना मारण्यासाठी नवी दिल्लीला रवाना झाले आहेत.
08 जुन 2018: पुणे पोलिसांनी माओवादी कारवायांच्या संदर्भात अटक केलेल्या व्यक्तीकडून पंतप्रधान नरेंद्र मोदी यांच्या हत्येच्या योजनेचा उल्लेख करणारे पत्र जप्त केले होते. हिंदुस्तान टाइम्सकडे असलेली ही कागदपत्रे पुणे पोलिसांनी गुरुवारी न्यायालयात सादर केली. एक "कॉम्रेड प्रकाश" ला फक्त आर अक्षराने ओळखल्या गेलेल्या दुसर्‍या व्यक्तीने संबोधित केले होते, मोदींच्या नेतृत्वाखालील भाजपने एकापाठोपाठ 15 राज्ये जिंकल्याबद्दल चिंता वाढल्याचे म्हणताना हा वेग जर असाच चालू राहिला तर सर्व आघाड्यांवर प्रचंड संकट येईल असे स्पष्ट करत किसन आणि इतर काही ज्येष्ठ सहकाऱ्यांनी मोदी राज संपवण्यासाठी ठोस पावले उचलण्याचा प्रस्ताव दिला होता.
19 जानेवारी 2016: आयएसआयएस ने स्वाक्षरी केलेल्या निनावी पत्रात पंतप्रधान नरेंद्र मोदी आणि संरक्षण मंत्री मनोहर पर्रीकर यांना जीवे मारण्याची धमकी देण्यात आली होती. गोवा पोलिसांनी हे पत्र राज्यातील सर्व पोलीस ठाण्यांना पाठवले तसेच हे प्रकरण दहशतवाद विरोधी पथकाकडे सोपवले होते. धमकीचे पत्र राज्य सचिवालयात प्राप्त झाल्यानंतर गोवा पोलिसांनी ही कारवाई केली होती.
