प्रकल्‍पबाधित झोपडीधारकांना 'एसआरए' योजनेत घरे द्या - महापौर पेडणेकर

प्रकल्‍पबाधित झोपड्या अथवा भूसंपादनामध्‍ये बाधित होणाऱ्या झोपडयांचे पुनर्वसन करताना स्‍वतंत्रपणे 'एसआरए' योजनेत सदनिका मिळण्‍याबाबत महापालिकेचे धोरण निश्चित करण्‍यासाठी मुंबई इमारत दुरुस्‍ती व पुनर्रचना मंडळाचे सभापती विनोद घोसाळकर यांनी महापौरांना एक पत्र दिले होते.

मुंबई - विकास प्रकल्पात बाधित होणाऱ्या झोपडपट्टी धारकांना तसेच झोपडपट्टीत वरील मजल्यावर राहणाऱ्या प्रकल्पग्रस्तांना 'एसआरए' योजनेतील घरे देण्यात यावीत, अशी मागणी महापौर किशोरी पेडणेकर यांनी राज्य सरकारकडे केली आहे. प्रकल्‍पबाधितांना 'पीएपी' घरांची कमतरता असल्याने 'एसआरए' योजनेत घरे देण्‍यात यावीत यासाठी धोरण बनवून राज्य सरकारकडे मंजुरीसाठी पाठवले जाईल, असे महापौरांनी सांगितले.

हेही वाचा - राहुल गांधींच्या वक्तव्याचा घाटकोपरमध्ये भाजप महिला कार्यकर्त्यांकडून निषेध