मुंबई - विधानसभा निवडणुकीत वंचित बहुजन आघाडीने इतर पक्षांशी आघाडी करण्यासाठी कोणतेही दरवाजे बंद केले नाहीत. आमचे दरवाजे खुले आहेत. मात्र, आता काँग्रेससोबत आमचे जमणार नाही, असा युक्तिवाद वंचित बहुजन आघाडीचे प्रमुख अॅड. प्रकाश आंबेडकर यांनी केला. ते आज मुंबईत पत्रकार परिषदेत बोलत होते.
हेही वाचा - 'चांद जमीन पर', मुंबईच्या रस्त्यांवर आरजे मलिष्काचं नवं गाणं एकदा पाहाच!
राज्यात ज्या धर्मनिरपेक्ष पक्ष संघटना आहेत. त्यांना आम्ही कधीही वगळणार नाही, असा दावा करत एमआयएमसोबत होणाऱ्या आघाडीवर मात्र स्पष्टपणे बोलण्यास त्यांनी नकार दिला. तसेच 2 ते 3 दिवसात आमची पहिली यादी जाहीर केली जाणार असल्याची माहितीही त्यांनी दिली.
राज्यात काँग्रेससोबत आघाडी करण्यासाठी आम्ही सुरुवातीलाच काँग्रेसला 42 जागांची ऑफर दिली होती. आता 3 आठवडे झाले त्यांच्याकडून प्रतिसाद मिळाला नाही. त्यामुळे आम्ही आता यावर फार बोलणार नसल्याचे ते म्हणाले. राज्यात सीपीएमच्या एका गटाशी चर्चा सुरू आहे, तो आमच्या संपर्कात आहेत. तर दुसरीकडे आपशी चर्चा सुरू आहे. दोन्ही बाजूने सकारात्मक चर्चा झाली आहे. मात्र, आम्ही मनसेला आम्ही बरोबर घेणार नाही, असा खुलासा त्यांनी केला.
हेही वाचा - वाजणार... वाजणार, निवडणुकांचे बिगुल वाजणार...दिवाळीआधी की दिवाळीनंतर?
राज्यात सेना भाजपची युती राहिली तरी आणि नसली तरी आम्हाला फायदा आहे, राज्यात 240 मतदारसंघात आमचा सामना सेना भाजपशी असल्याचे ते म्हणाले. दरम्यान, या पत्रकार परिषदेत ऑल इंडिया उलेमा बोर्डाने वंचित आघाडीला पाठिंबा दिल्याचे जाहीर केले. वंचित सोबत त्यांची बैठक झाली. त्यात मुस्लिमांना शिक्षणात 10 टक्के आरक्षण द्यावे, मॉब लिंचींगसाठी कायदा झाला पाहिजे.
वक्फ बोर्डाला ज्या लोकांनी जमिनी बळकावल्या आहेत. त्या परत जमिनी मिळाव्यात, अशी त्यांनी मागणी केली आहे. आम्ही राज्यात मुस्लिम 25 उमेदवार जाहीर करणार आहोत, त्यात यांच्या उमेदवाराचीही नावे असतील तर मौलवी यांनी पाठिंबा दिला असून त्यांची प्रचाराला त्यांची मदत होणार असल्याचा दावा आंबेडकर यांनी केला.
हेही वाचा - शिवसेनेला अर्ध्या जागा मिळाल्या नाही तर युती तुटेल - खासदार संजय राऊत
