मुंबई - पोलिसांच्या गुन्हे शाखा क्रमांक 9 ने मुंबईतील खेरवाडी जंक्शनजवळील सर्व्हीस रोड येथून एका सराईत दरोडेखोराला अटक केली आहे.
इर्शाद निषयात खान उर्फ बाबू हसन खान, असे त्याचे नाव असून तो गुन्हेगार खेरवाडी जंक्शन येथे गावठी पिस्तुल व 7 जिवंत काडतुसे विकण्यासाठी येणार आहे, अशी माहिती गुन्हे शाखा 9 च्या अधिकाऱ्यांना मिळाली होती. त्यानुसार पोलिसांनी सापळा रचला असता बाबू हसन खान हा गावठी पिस्तूलासह 7 काडतुसे घेऊन आला. पोलिसांनी त्याला रंगेहाथ पकडले. या गुन्हेगारावर मुंबई, गुजरात सारख्या ठिकाणी खून, दरोडा, दरोड्याचा प्रयत्न, अनधिकृत शस्त्र बाळगणे, असे गुन्हे दाखल आहेत.
हेही वाचा - गँगस्टर एजाज लकडावाला याच्या खास हस्तकाला अटक
