मुंबई :राज्यात महाविकास आघाडीला पोषक वातावरण आहे. दोन दिवसीय लोकसभा मतदारसंघांचा आढावा घेतला जात आहे. स्थानिक नेते व पदाधिकाऱ्यांची मते जाणून घेतली जात आहेत. दोन दिवसीय लोकसभा मतदार सभा संपल्यानंतर राज्यातील सर्व जिल्ह्यांचा दौरा करणार असल्याची माहिती महाराष्ट्र प्रदेश काँग्रेसचे प्रदेशाध्यक्ष नाना पटोले यांनी दिली आहे.
भाजपाला पराभूत करणाऱ्याला उमेदवारी : सभेत कार्यकर्त्यांमध्ये उत्साह होता, निवडणुका आल्या की निवडणुकीला सामोरे जाण्यासाठी पक्ष सज्ज झाला आहे. यासंदर्भात आढावा बैठकीत स्थानिक नेत्यांकडून माहिती घेतली जात आहे. विदर्भाप्रमाणे राज्यातही काँग्रेस पक्षाला मानणारा मोठा वर्ग आहे. महाविकास आघाडी म्हणून आम्ही निवडणुकीला सामोरे जाणार आहोत. आजच्या सभेत भाजपला पराभूत उमेदवार द्यावा, असे कार्यकर्त्यांमधून ऐकू आले. भाजपचा पराभव करण्यासाठी महाविकास आघाडीने एकच उमेदवार द्यावा. हुकूमशाहीच्या माध्यमातून लोक मनमानी आणि जुलमी सरकारला कंटाळले आहेत. यावेळी दिल्लीसह राज्याचे चित्र बदललेले असेल.
महाविकास आघाडीत बिघाडी करण्याचा प्रयत्न : काही जणांचा महाविकास आघाडी बिघाडी करण्याचा प्रयत्न सुरू आहे. मतदारसंघनिहाय आढाव बैठकीनंतर महाविकास आघाडीच्या चर्चा करून जागा वाटपावर निर्णय होईल असे पटोले म्हणाले आहेत. भाजप सरकारने जनतेला दिलेल्या आश्वासनाची पूर्ती केली नाही. त्यामुळे आम्ही जनतेचे प्रश्न घेऊन निवडणुकीला सामोरे जाणार आहोत असे माहिती प्रदेशाध्यक्ष नाना पटोले यांनी दिली आहे.
काँग्रेसची बैठक संपन्न : काँग्रेस प्रदेशाध्यक्ष नाना पटोलेंच्या अध्यक्षतेखाली बैठक संपन्न झाली. विधिमंडळ पक्षनेते बाळासाहेब थोरात, माजी मुख्यमंत्री सुशिलकुमार शिंदे, अशोक चव्हाण, पृथ्वीराज चव्हाण, विधान परिषद गटनेते सतेज पाटील, प्रदेश कार्याध्यक्ष आरिफ नसीम खान, बसवराज पाटील, चंद्रकांत हंडोरे, आ. प्रणिती शिंदे, आ. कुणाल पाटील, महाविकास आघाडी सरकार मधील काँग्रेस पक्षाचे सर्व माजी मंत्री उपस्थित होते.
23 लोकसभा मतदारसंघाचा आढावा : महाराष्ट्र प्रदेश काँग्रेस टिळक भवन या पक्ष कार्यालयात दोन दिवस बैठका आयोजित करण्यात आल्या होत्या. शुक्रवार आणि शनिवार या दोन दिवस बैठका असणार आहेत. महाराष्ट्र काँग्रेस प्रदेशाध्यक्ष नाना पटोले यांच्या अध्यक्षतेखाली शुक्रवारी सकाळी बैठकीला सुरुवात झाली. राज्यातील लोकसभा मतदार संघनिहाय आढावा घेतला जात आहे. शुक्रवारी 23 लोकसभा मतदारसंघाचा आढावा नाना पटोले यांनी घेतला आहे.
