मुंबई : संडे मॉर्निंग सर्वांना हवीहवीशी असते. त्यातच मुंबई आणि ते सुद्धा मरीन ड्राईव्ह सारख्या परिसरात या दिवसाची सुरुवातच संगीताने करायची असेल, तर मुंबईतील मरीन ड्राईव्ह परिसरामध्ये आवर्जून भेट द्यायला हवी. मुंबई शहर, उपनगर या परिसरातून येणारे तरुण इथे संगीताची जादू चालवताना दिसत आहेत. संगीताच्या तालावर संपूर्ण तरुणाई मनमुराद आनंद लुटताना दिसून येत (musical Sunday morning at Marine Drive) आहे.
संगीत एक जादू : तणावमुक्त आणि आरोग्यदायी वातावरणात आठवड्यातील किमान काही तास तरी घालविता यावेत, या हेतूने मुंबई पोलिसांनी ‘संडे स्ट्रीट' ही संकल्पना राबविण्यास सुरुवात केली. मुंबईतील काही रस्ते हे अंशतः तर काही ठिकाणी पूर्णतः सकाळी सहा ते दहा वाजेपर्यंत वाहतुकीसाठी बंद ठेवण्यात येतात. याला मुंबईकरांकडून उत्स्फूर्त प्रतिसाद दिला जात आहे. त्यातच सकाळी बहुतेक लोक मॉर्निंग वॉक करण्याच्या निमित्ताने मुंबईच्या रस्त्यांवर दिसून येतात. परंतु आता अनेक तरुण मुंबईतील मरीन ड्राईव्ह परिसरात संगीताचा मनमुराद आनंद लुटण्यासाठी गर्दी करताना दिसून येत आहेत. या तरुणाईला संगीताची एवढी आवड आहे की, यासाठी लागणारे सर्व साहित्य गिटार, ढोल, तबला हे सर्व घेऊन हे तरुण भल्या पहाटे मरीन ड्राईव्ह येथे समुद्रकिनारी जमा होतात. हे सर्व युवक - युवती मुंबईतील विविध भागातून मरीन ड्राईव्ह येथे सकाळी सकाळी जमा होऊन आपल्यासोबत इथे येणाऱ्या सर्व लोकांना या संगीताच्या जादूने आकर्षित (Mumbaikar enjoying musical Sunday morning) करतात.
गरब्याच्या ठेक्यावर आनंद : सध्याच्या नवीन लेटेस्ट गाण्यांसह अगदी हिंदी, मराठी जुनी गाणीसुद्धा हे तरुण इथे गाताना दिसून येतात. व या गाण्यांना शेकडो युवक - युवती साथ देतानासुद्धा दिसतात. विशेष म्हणजे ह्या ग्रुपमध्ये कोणीही या आपले गाणे बोला व त्याचा आनंद लुटा. तुम्ही बोलत असणाऱ्या गाण्याला सर्वजण तुम्हाला साथ देतील, असे असल्याकारणाने नकळत तरुणांची पावले या ग्रुपकडे आकर्षित होतात. या गाण्यांवर तरुण इतके मंत्रमुग्ध होतात की, गरब्याचा ठेका सुद्धा मरीन ड्राईव्ह परिसरामध्ये भल्या पहाटे रंगतो. आमच्या ग्रुपमधील सर्वांना संगीताची आवड असून ते संगीत इतरांपर्यंत पोहोचवण्यासाठी व इतरांना त्यांचा मनमुराद आनंद देण्यासाठी विशेष करून आम्ही भल्या पहाटे मरीन ड्राईव्ह सारख्या परिसरामध्ये एकत्र येतो, असे या ग्रुपचे सदस्य, संगीत प्रेमी मल्हार शिंतोळे यांनी सांगितले (Marine Drive Sunday Street concept) आहे.
संडे स्ट्रीटचा फायदा : कोरोनाच्या निर्बंधांमुळे गेले दोन वर्ष धावत्या मुंबईला ब्रेक लागला होता. अनेकजण ताणतणावात जीवन जगत होते. मुंबईकरांना तणावमुक्त करण्यासाठी मुंबईचे तत्कालीन पोलीस आयुक्त संजय पांडे यांच्या संकल्पनेतून ‘संडे स्ट्रीट’ हा उपक्रम सुरू झाला. मुंबईतील १३ रस्त्यांवर सकाळी ६ ते १० वाजेपर्यंत हा उपक्रम राबविला जात आहे. याचा आनंद संपूर्ण मुंबईकर लुटत असताना त्यात संगीताची भर पडली (Sunday Street concept) आहे.
