सिनेमा आणि जाहिरातीमध्ये काम देतो असे सांगून फसवणाऱ्या भामट्याला अटक

सिनेमात काम देतो असे सांगून लाखो रुपयांना गंडा घालण्याला एका आरोपीला सायबल सेलने अटक केली आहे. अटकेत करण्यात आलेल्या आरोपीचं नाव अपूर्व अश्विन दौंड उर्फ ऋषी श्रॉफ असे आहे.

मुंबई - सिनेमात काम देतो असे सांगून लाखो रुपयांना गंडा घालणाऱ्या एका आरोपीला सायबर सेलने अटक केली आहे. अटकेत करण्यात आलेल्या आरोपीचे नाव अपूर्व अश्विन दौंड उर्फ ऋषी श्रॉफ असे आहे. 47 वर्षाच्या या आरोपीने अनेकांना लाखों रुपयाला गंडवले आहे. तुमच्या लहान मुलांना सिनेमात जाहिरातीमध्ये काम देतो, असे सांगून अनेकांकडून या आरोपींना लाखो रुपये उकळले आहेत.

सायबर सेलच्या डीसीपी रश्मी करंदीकर यांनी दिलेल्या माहितीनुसार, अपूर्व याने महेश गुप्ता यांना 32 लाख 69 हजार रुपयांचा गंडा घातला होता. महेश गुप्ता एअर स्पेअर पार्टचा व्यवसाय करतात. त्यांनी अपूर्व विरोधात तक्रार दाखल केली होती. तक्रारीवरून सायबर सेल अपूर्वचा शोध घेत होते. अपूर्व विरोधात मुंबईच्या अनेक पोलीस स्टेशनमध्ये तक्रारी नोंद आहेत. साकीनाका ओशिवारा, अंबोली एन एम जोशी मार्ग पोलीस स्टेशन, दादर, पोलीस स्टेशन या पोलीस स्टेशनमध्ये अपूर्व विरोधात अनेक तक्रारी नोंद आहेत. डीसीपी रश्मी करंदीकर यांनी दिलेल्या माहितीनुसार जारा वर्ल्ड आणि जारा किड्स या नावाच्या दोन वेबसाइट चालवत होता. या वेबसाइटच्या माध्यमातून तो अनेकांशी संपर्क करत होता. तसेच तो अनेकांना बल्कमध्ये मेसेज देखील पाठवत होता.

तो लोकांना सांगायचा मी सिनेमा बनवतो, त्या सिनेमाचं नाव आहे 'बच्चो की दुनिया' यामध्ये लहान मुलांचं कास्टिंग करत आहोत, अशा स्वरूपाची बतावणी करायचा आणि लोक त्याच्या संपर्कात येत होते. तपासादरम्यान असे समोर आले की, तो वेगवेगळी कारणे देऊन लोकांना फसवत होता. जसे की मुलांचे कपडे घ्यायचे आहेत मुलांचे फोटो शूट करायचा आहे, अशी कारणे देऊन तो लोकांना गंडवत होता आणि त्यांच्याकडून लाखो रुपयांची वसुली करत होता. आत्तापर्यंत जवळपास शंभरपेक्षा अधिक लोकांना त्याने गंडा घातला आहे. पैशांची हेराफेरी करण्यासाठी अठरा बँकेमध्ये त्याने आपली खाती देखील सुरू केली होती. आरोपी महागड्या गाड्यांचा शौकिन होता. त्याच्याकडे अनेक महागड्या आहेत. त्याने 2017 पासून अनेक लोकांना फसवलं आहे. या फसवणुकीच्या माध्यमातून जवळपास दोन करोड रुपयांची कमाई देखील केल्याचे कळतंय.

हेही वाचा - आशा स्वयंसेविका अन् आरोग्यमंत्री यांची बैठक निष्फळ, आंदोलन सुरू ठेवण्यावर कृती समितीचा ठाम

हेही वाचा - महाराष्ट्रात ऑनलाइन शाळा सुरू, पहिले पंधरा दिवस उजळणी - शिक्षणमंत्री