कोणाला दिलेल्या शब्दापेक्षा जनतेला दिलेला शब्द मोठा; भाजपच्या 'या' ट्विटचा अर्थ काय?

'अजून कोणालाही दिलेल्या शब्दापेक्षा महाराष्ट्राच्या जनतेला दिलेला शब्द मोठा! शब्द राखला, तो पुन्हा आला', असे ट्विट करून त्याखाली मुख्यमंत्री देवेंद्र फडणवीस यांचा फोटो जोडलेले ट्विट करण्यात आले आहे. यातील 'अजून कोणाला' म्हणजे शिवसेनेला का? असा प्रश्न उपस्थित होत आहे.

मुंबई - महाराष्ट्राच्या राजकारणात शनिवारी नाट्यमय घडामोडी घडल्या. शिवसेना, राष्ट्रवादी आणि काँग्रेसचे सरकार स्थापन होण्याच्या अंतिम टप्प्यात असताना भाजपने जोरदार हालचाली करत मुख्यमंत्री म्हणून देवेंद्र फडणवीस आणि उपमुख्यमंत्री म्हणून अजित पवार यांनी शपथ घेतली. यानंतर काही वेळाने महाराष्ट्र भाजपच्या अधिकृत ट्विटर खात्यावरून एक ट्विट करण्यात आले. त्याची आता चांगलीच चर्चा होत आहे.

हेही वाचा - मोठ्या फरकाने बहुमत सिद्ध करु, राधाकृष्ण विखे पाटलांना विश्वास

'अजून कोणालाही दिलेल्या शब्दापेक्षा महाराष्ट्राच्या जनतेला दिलेला शब्द मोठा! शब्द राखला, तो पुन्हा आला', असे ट्विट करून त्याखाली मुख्यमंत्री देवेंद्र फडणवीस यांचा फोटो जोडलेले ट्विट करण्यात आले आहे. यातील 'अजून कोणाला' म्हणजे शिवसेनेला का? असा प्रश्न उपस्थित होत आहे.

• अजुन कोणालाही दिलेल्या शब्दापेक्षा महाराष्ट्राच्या जनतेला दिलेला शब्द मोठा!
  शब्द राखला, तो पुन्हा आला!#DevendraIsBack pic.twitter.com/kIDBdsxYkp

  — भाजपा महाराष्ट्र (@BJP4Maharashtra) November 23, 2019 " class="align-text-top noRightClick twitterSection" data="

  अजुन कोणालाही दिलेल्या शब्दापेक्षा महाराष्ट्राच्या जनतेला दिलेला शब्द मोठा!
  शब्द राखला, तो पुन्हा आला!#DevendraIsBack pic.twitter.com/kIDBdsxYkp

  — भाजपा महाराष्ट्र (@BJP4Maharashtra) November 23, 2019

  ">

  अजुन कोणालाही दिलेल्या शब्दापेक्षा महाराष्ट्राच्या जनतेला दिलेला शब्द मोठा!
  शब्द राखला, तो पुन्हा आला!#DevendraIsBack pic.twitter.com/kIDBdsxYkp

  — भाजपा महाराष्ट्र (@BJP4Maharashtra) November 23, 2019

विधानसभेच्या निकालानंतर भाजप-शिवसेनेमध्ये मुख्यमंत्री पदावरून वाद झाला आणि त्यातून दोन्ही पक्षांचे संबंध मोठ्या प्रमाणात ताणले गेले. शिवसेनेने वेगळी भूमिका घेत काँग्रेस, राष्ट्रवादीसोबत जाणे पसंत केले. शिवसेना पक्षप्रमुख उद्धव ठाकरे शेवटपर्यंत या गोष्टीवर ठाम राहिले की, लोकसभा निवडणुकीच्यावेळी मुख्यमंत्री पदासह सर्व पदांचे समसमान वाटप केले जाईल, असे आमचे म्हणणे होते आणि त्यावेळी भाजपच्या वरिष्ठ नेत्यांनीही तो फॉर्म्युला मान्य केला होता. मात्र, विधानसभेच्या निकालानंतर त्यांनी दिलेला शब्द पाळला नाही, अशी टीका शिवसेनेकडून केली जाते.

हेही वाचा - Live - राज्यपालांच्या निर्णयाविरोधातील आव्हान याचिकेवर आज सुनावणी

शनिवारच्या घडामोडींनंतर भाजपकडून करण्यात आलेल्या या ट्विटमुळे उलटसुलट चर्चा सुरू असून, अजून कोणालाही दिलेल्या शब्दापेक्षा महाराष्ट्राच्या जनतेला दिलेला शब्द मोठा, असे भाजप म्हणत असल्याने त्यांनी शिवसेनेला मुख्यमंत्री पदाविषयी शब्द दिला होता का? असाही प्रश्न साहजिकच उपस्थित होत आहे. मुख्यमंत्री पदाचा कोणताही शब्द आम्ही दिला नव्हता, असे भाजपचे जवळपास सर्वच नेते सांगत असले तरी या ट्विटवरून भाजपने असा शब्द दिला असल्याचे त्यावरून दिसत आहे.