मुंबई - मुंबई सत्र न्यायालयातील ( Bombay session court ) अतिरिक्त सत्र न्यायाधीश जोगळेकर यांनी आज सायबर दहशतवादी प्रकरणात ( Cyber Terrorism Case ) अटक करण्यात आलेल्या सॉफ्टवेअर इंजिनिअर आरोपी अनिस शकिल अन्सारी (28) या आरोपीला जन्मठेपेची शिक्षा सुनावली आहे. 25,000 हजाराचा दंड देखील सुनावला आहे 2014 मध्ये आरोपीला एटीएसने अटक केली होती तेव्हापासून आरोपी न्यायालयीन कोठडीत आहे.
आरोपीला जन्मठेपेची शिक्षा - आरोपी अनिस शकिल अन्सारी याने अमेरिकन स्कूलवर सुसाईड बॉम्ब हल्ला करण्याचा कट प्रकरणात 2014 साली एटीएसने अनिस अन्सारीला अटक केली होती. आरोपी अनिस शकिल अन्सारीला जन्मठेपेची शिक्षा सुनावण्यात आली आहे. आरोपी विरोधात एटीएसने 43(A), 66(F) माहिती तंत्रज्ञान कायदा सह 115,120(b) अन्वये गुन्हा दाखल केला होता.
मुंबई सत्र न्यायालयाचा मोठा निकाल- एटीएसच्या गुन्ह्यातील प्रकरणात मुंबई सत्र न्यायालयाचा मोठा निकाल दिला आहे. 2014 च्या एका प्रकरणात आरोपी अनिस अन्सारी याला अटक करण्यात आली होती. बीकेसी एका अमेरिकन स्कुलवर सुसाईड बॉम्ब हल्ला करण्याचा कट आखण्यात आला होता. या कटाची माहिती मिळताच एटीएसने अनिस अन्सारी याला अटक केली होती.
सायबर दहशतवादाबाबत पहिला निकाल - सायबर दहशतवादाबाबत हा पहिला निकाल आहे. अनिस शकीर अन्सारी या आरोपीला सायबर दहशतवाद कायद्याअंतर्गत आजीवन शिक्षा सुनावली. दोषी सॉफ्टवेअर इंजिनिअर होता. खोटे प्रोफाइल बनवून बॉम्ब बनवण्याचे षडयंत्र आखले होते. अमेरिकन शाळेवर अटॅक करण्याचा कट रचला होता.
