मुंबई - गणेशोत्सवाला काल (सोमवार) धुमधडाक्यात सुरूवात झाली आहे. गणेशोत्सव साजरा होत असताना पावसाने मुंबईसह उपनगरांमध्ये जोरदार हजेरी लावली. यामुळे दीड दिवसाच्या गणपती विसर्जनासमोर विघ्न निर्माण झाले आहे.
चौपाट्या, तलाव येथे प्रशासनाकडून विसर्जनासाठी व्यवस्था करण्यात आली आहे. मात्र, पावसात विसर्जनाला निघायचे कसे? असा प्रश्न गणेश भक्तांसमोर निर्माण झाला आहे. तरीही अनेक जण मुसळधार पावसात विसर्जनासाठी बाहेर निघाले आहेत.सोमवारी मध्यरात्रीपासून सुरू झालेला पाऊस आज (मंगळवारी) दिवसभर अधूनमधून कोसळत आहे.
हेही वाचा - पूरग्रस्तांसाठी रेल्वे हमालांनी केला गणपतीला नवस
मुंबईत मोठ्या प्रमाणावर दीड दिवसांच्या घरगुती गणपतींचे विसर्जन होते. संध्याकाळी अनेक जण विसर्जनासाठी बाहेर पडतात. मात्र, जोराचा पाऊस सुरू असल्याने लाडक्या बाप्पाला वाजत गाजत निरोप देने शक्य नाही, त्यामुळे गणेश भक्तांचा हिरमोड झाला आहे.
दरम्यान, हवामान खात्यानेही अतिवृष्टीचा इशारा दिला आहे.
