मुंबई - सोमवार सायंकाळपासून पडणाऱ्या मुसळधार पावसामुळे मुंबईचे जनजीवन विस्कळित झाले आहे. मुंबईची लाईफलाईन म्हटल्या जाणाऱ्या लोकल रेल्वे सेवेवर याचा सर्वाधिक परिणाम दिसून आलेला आहे. आज सकाळपासूनच पाऊस पडल्यामुळे हार्बर मार्गावर कुर्ला ते चुनाभट्टी या मार्गावर रेल्वे ट्रॅकवर पाणी साठल्यामुळे लोकल सेवा बाधीत झाली आहे.
पावसामुळे हार्बर लोकल बंद
वडाळा स्थानकावर हार्बर मार्गावरील सर्व सेवा सध्या बंद करण्यात आली असून पावसाचा जोर ओसरेपर्यंत सेवा सुरू करता येणार नाही, असे रेल्वे प्रशासनाकडून जाहीर करण्यात आले आहे. त्यामुळे प्रवाशांना तारेवरची कसरत करावी लागत आहे.
