मुंबई - विले-पार्ले येथील लाभ शिवानी इमारतीला रविवारी सायंकाळी अचानक आग लागली. आगीची माहिती मिळताच अग्निशामक दल घटनास्थळी दाखल झाले असून आग विझवण्याचे काम सुरू केले आहे. इमारतीतून 4 जणांना सुखरूप बाहेर काढण्यात आले आहे.
विलेपार्ल्यात बहुमजली इमारतीला आग
विले-पार्ल्यातील बजाज रोडवर लाभ शिवानी ही 13 मजली इमारत आहे. या इमारतीच्या सातव्या आणि आठव्या मजल्यावरील कार्यालयांमध्ये आग लागली. या आगीची माहिती मिळताच अग्निशामक दलाचे जवान घटनास्थळी दाखल झाले. आगीची भीषणता पाहता 8 फायर इंजिन आणि 6 जंबो टँकर घटनास्थळी आगीवर नियंत्रण मिळवण्याचे काम करत आहेत. इमारतीमधून 4 जणांना सुखरूप बाहेर काढण्यात आले असून इमारतीत आणखी कोणी अडकले आहेत का? यासाठी शोध मोहीम सुरू असल्याची माहिती अग्निशामक दलाकडून देण्यात आली.
