हैदराबाद - कोरोनाच्या पहिल्या आणि दुसऱ्या लाटेनंतर आता पुन्हा एक नवीन व्हेरिएंट समोर आला आहे. ओमायक्रॉन नावाच्या या व्हेरिएंटचे आतापर्यंत भारतामध्ये 35 पेक्षा जास्त रुग्ण आढळले आहेत. दक्षिण आफ्रिकेत आढळलेल्या या व्हेरिएटंचे सर्वात जास्त रुग्ण हे महाराष्ट्रात आहेत. एकंदरीतच या रोगाचा प्रसार वाढत असल्याचं चित्र महाराष्ट्रात आहे. हा नवीन व्हेरिंएंट मानवाला किती हानीकारक आहे? कोरोनाची लस घेतलेले नागरिक याचा सामना करु शकणार की नाही? बुस्टर डोस घ्यावा की नाही? नागरिकांनी काय काळजी घ्यावी, या विषयावर चर्चा करण्यासाठी ईटीव्ही भारतने अमेरिकेतील भारतीय वंशाचे डॉ. रवी गोडसे यांच्यासोबत संवाद साधला. ( Dr. Ravi Godse USA Special Interview with ETV Bharat ) डॉ. गोडसे हे अमेरिकेतील पेनसिल्वेनिया मेडिकल कन्सल्टेशनचे अध्यक्ष आहेत. ( Dr. Ravi Godse President, Pennsylvania Medical Consultation )
प्रश्न - सर, ओमायक्रॉन हा व्हेरिएंट नेमका काय आहे? याबाबत आमच्या प्रेक्षकांना सांगाल.
उत्तर - हा व्हेरिएंट जेव्हा आला तेव्हा लोक घाबरले होते. तेव्हा मी ट्विटरवर एक प्रश्न विचारला होता. आपण केसेस आल्या आहेत म्हणून ओमायक्रॉन शोधतोय की ओमायक्रॉनची बातमी आली आहे म्हणून त्याच्या केसेस शोधतोय? तो जर इतका धोकादायक असेल तर त्याने ते दाखवायला हवे. ओमायक्रॉन हा B1.1.529 हे एक mutated version आहे. हा आरएनए व्हायरस आहे. तो बदलत असतो. तो खूप नाही बदलत. आधी कोरोना झालेल्यांना तो चकवा देऊ शकतो. कदाचित ज्यांनी लस घेतली आहे, त्यांना तो चकवा देऊ शकतो. पण चकवा दिला तरी तो इतका धोकादायक नाही. त्याची लक्षणे सौम्य आहेत. तर दुसरीकडे भारतात कोट्यवधी लोक आहेत ज्यांना कोरोनाची लागण झाली आहे आणि ज्यांनी कोरोनाची लस घेतली आहे. कोरोनाची लहर घाबरल्यामुळे आपण आणली. ओमायक्रॉनमुळे लहर नाही येणार.
प्रश्न - महाराष्ट्र सरकारने बुस्टर डोस देण्याची मागणी केंद्राकडे केली आहे. कोरोना प्रतिबंधासाठीचे दोन्ही डोस घेतलेल्या नागरिकांना बुस्टर डोसची आवश्यकता आहे का?
उत्तर - हो. मी आधी म्हणत होतो की बुस्टरची गरज नाही. मात्र, विषाणू बदलल्यावर, नवीन माहिती आल्यावर बदलणे गरजेचे आहे. कोरोना झाला असला तरी लस घ्यायला हवी. कोट्यवधी लोकांनी लस घेतली आहे. तसेच त्यातली कोट्यवधी लोकांना कोरोना होऊन गेला आहे. त्यामुळे दोन डोस लसीचे आणि झाला होता कोविड तो एक डोस बुस्टरचा, असे भारतीय लोकांचे होऊन जाईल, असे मला वाटले होते. आरटीपीसीआर टेस्ट सर्वांनी केली नव्हती. तसेच Antibody टेस्ट केली तर तो लसीमुळे कोरोनाची लागण होऊ शकते किंवा आधीच्या आजारपणामुळेही. त्यामुळे Antibody test चेक करा, असं मी म्हणत नव्हतो. पण आता अमेरिकेतही 60 टक्के लोकांनी लस घेतली आहे. तर 30 टक्के लोकांनी घेतली नाही. लस घेतलेल्या लोकांचे संरक्षण होत होते. यानंतर डेल्टा आला. डेल्टामुळे लस घेतलेल्यांनाही थोडा धोका होता. तो इतर पसरू शकत होता. म्हणून त्या लोकांना तो होऊन तो पसरवून, तो म्यूटेड होऊन तो Unvaccinated लोकांमध्ये जाऊ नये म्हणून अमेरिकेा, इस्रायल, इंग्लंडने बुस्टर आणले.
आपल्याकडे लसीचा साठा आहे. समजा पाच कोटी लोक आहेत, ज्यांनी पाच आठवड्यापूर्वी कोविशिल्डचा डोस घेतला असेल, त्यांना पुढचा डोस घ्यायला अजून वेळ आहे. त्यामुळे आता लोकांना कोविड नको आहे, त्यांना तिसरा बुस्टर घेतल्यामुळे आतापर्यंत ज्या लोकांनी व्हॅक्सिन घेतले नाहीये त्यांचं संरक्षण होईल.
ज्या लोकांना तिसरा डोस स्वत:च्या खर्चाने घ्यायचा आहे त्यांना घेऊ द्या. याचे काही गंभीर दुप्षरिणाम नाही आहेत. ज्या लोकांची रोगप्रतिकारक क्षमता कमी आहे, त्यांच्यासाठी हा तिसरा डोस हा primary series समजा. सध्या माझा बुस्टरला पूर्ण पाठिंबा आहे.
प्रश्न - सर, महाराष्ट्रात अवघ्या साडेतीन वर्षांच्या बालकाला ओमायक्रॉनची लागण झाल्याचे समोर आले आहे... लहान मुलांसाठी हा व्हेरिएंट किती धोकादायक आहे का?
उत्तर - याबाबत अजून माहिती नाही. भारतामध्ये 7877 रुग्ण आढळले. त्यातील 23 ओमायक्रॉनचे रुग्ण होते. बाकीचे डेल्टाचे आहेत. मात्र, आपण डेल्टाबाबत आता बोलत नाही आहोत. ओमायक्रॉनमुळे सुरुवातीला दक्षिण आफ्रिकेत लहान मुलांना रुग्णालयात दाखल करण्याचे प्रमाण वाढले होते. काही मुलांना दुसऱ्या आजाराचे निमित्ताने रुग्णालयात दाखल केले. त्यांची टेस्ट केली असताना त्यांना ओमायक्रॉनची लागण झाल्याचे समोर आले. ही मुले जास्त गंभीर नव्हते. यात 12 वर्षांवरील सर्व मुलांचे लसीकरण झाले नव्हते. तर 12 वर्षांखालील मुलांपैकी फक्त 3 परिवारांचे लसीकरण झाले होते. कदाचित ज्यांचे लसीकरण झाले नाही, तिथे तो पोहोचू शकतो. लसीकरण महत्त्वाचे आहे. ज्यांना स्वत:च्या जोखिमीवर बुस्टर घ्यायचा आहे, त्यांना तो घेऊ द्यावा. फायझरबाबत बोलत नाही पण 5 ते 11 या वयोगटामध्ये डोस एक तृतीयांशच वापरला जातो आहे. यातील कोट्यवधींपैकी लाखो लोक भारतीय वंशाचे आहेत. मिक्स अँड मॅच करायचे असेल तर कोव्हिशिल्डच्या दोन डोसनंतर एक डोस कोव्हॅक्सिनचा बुस्टर, कोव्हॅक्सिन वाल्यांना कोव्हिशिल्डचा बुस्टर, असा स्टडी करायला हवा. कोव्हॅक्सिनचा स्टडी दुसरा कोणी करणार नाही. आपल्यालाच करायला पाहिजे. 100 कोटी लोकांचे लसीकरण करणे, म्हणजे जोक नाही. भारत सरकारने चांगले काम केले आहे.
प्रश्न - सर, या संवादाच्या शेवटाकडे जाताना विचारतो, नागरिकांनी काय काळजी घ्यावी?
उत्तर - सरकारने सांगितलेल्या कोरोनाच्या नियमावलीचं पालन करणं गरजेचे आहे. मात्र, लोक बेपर्वाह म्हणणे चुकीचे आहे. सरकारने त्वरीत निर्णय घ्यायला हवी. जनता कंटाळली आहे. सर्व आधीसारखं सुरळीत व्हायला हवं. कोरोनाची तिसरी लाट काही येणार नाही.
