मुंबई - आमदार कालिदास कोळंबकर यांच्या तर्फे आमदार चषक स्पर्धेचे आयोजन करण्यात आले होते. या आमदार चषकाचे उद्घाटन माजी मुख्यमंत्री आणि विद्यमान विरोधी पक्षनेते देवेंद्र फडणवीस यांच्या हस्ते करण्यात आले. यावेळी देवेंद्र फडणवीस यांना क्रिकेट खेळण्याचा मोह आवरला नाही. ते खेळाडूंसोबत मैदानात क्रिकेट खेळले. त्यानंतर माध्यमांशी संवाद साधताना ते म्हणाले, की मला लहानपणापासूनच क्रिकेट खेळण्याची प्रचंड आवड आहे. मला लूज बॉल भेटला तर मी तो ग्राऊंडच्या बाहेर पाठवतो आणि आत्ता तसे लूज बॉल मला भरपूर भेटत आहे, असा टोला देवेंद्र फडणवीस यांनी लगावला.
युपीएचा अध्यक्ष बदला, अशी मागणी १६वा गडी करतोय -
युपीएचा अध्यक्ष बदलावा, अशी मागणी १६ वा गडी करतोय. त्यामुळे त्यांच्या वक्तव्याला गांभीर्याने घेण्याची गरज नाही, असा टोला देवेंद्र फडणवीसांनी लगावला.
हेही वाचा - वाझे-हिरेन भेटीचा सीसीटीव्ही व्हिडिओ समोर; हत्याकांडसंदर्भात समोर आले मोठे खुलासे
