हैदराबाद : भारतातील सर्वात मोठी टेलिकॉम ऑपरेटर रिलायन्स जिओनं भारतातील पहिलं 5.5G सेवा सुरू केलीय आहे. OnePlus ने दावा केला आहे की OnePlus 13 मालिका ही भारतातील 5.5G सेवेला समर्थन करणारी पहिली सीरीज आहे. वनप्लस मंगळवारी भारतात वनप्लस 13 मालिका लाँच केलीय. OnePlus 13 मालिकेत OnePlus 13 आणि OnePlus 13R स्मार्टफोनचा समावेश आहे.
वनप्लस 13 चा 5.5 G सेवेला सपोर्ट
वनप्लस 13 मालिकेच्या लाँचिंग दरम्यान, जिओची 5.5 G सेवा देखील उपलब्ध झालीय. म्हणजेच, फक्त वनप्लस 13 मालिकेचे स्मार्टफोन जिओच्या 5.5 G सेवेला सपोर्ट करताय. वनप्लस 13 मालिकेचा फोन भारतात जिओच्या नेटवर्क तंत्रज्ञानाच्या सहकार्यानं विकसित करण्यात आला आहे.
5.5 G सेवा 5G नेटवर्कपेक्षा किती वेगळी आहे?
जिओची 5.5 G सेवा ही जिओच्या 5G नेटवर्कची प्रगत आवृत्ती आहे, 5.5जी नेटवर्कच्या तुलनेत चांगली इंटरनेट स्पीड, कमी लेटन्सी आणि सुधारित नेटवर्क देते. हे तंत्रज्ञान एकात्मिक बुद्धिमत्ता वैशिष्ट्यांना समर्थन देते. या तंत्रज्ञानामध्ये, तीन वेगवेगळ्या नेटवर्क सेल्सचा वापर केला जाईल, ज्यामध्ये एकाच वेळी अनेक टॉवर्सशी कनेक्शन असू जोडलं जाऊ शकतं, जेणेकरून जलद कनेक्टिव्हिटी प्रदान करता येईल. या तंत्रज्ञानामध्ये, 10 जीबीपीएस पर्यंत डाउनलोड स्पीड आणि 1 जीबीपीएस पर्यंत अपलोड स्पीड मिळवता येतो.
5.5 G म्हणजे काय?
5.5G ही 5G जी आवृत्ती आहे, जी वेगवान गती, सुधारित नेटवर्क देते. त्याची सुरुवात रिलीज 18 पासून झाली होती, जी या प्रगत मानकाचा प्रारंभिक टप्पा मानली जाते. मल्टी-कॅरियर एकत्रीकरणाद्वारे 10 Gbps डाउनलिंक आणि 1 Gbps अपलिंक गती यात मिळू शकतो. 5.5 जी नेटवर्क अधिक स्मार्ट आणि कार्यक्षम आहेत, ज्यामुळे आयओटी, एआय आणि एआर/व्हीआर सारख्या अनुप्रयोगांना चांगलं काम करता येतं. 2028 पर्यंत रिलीज 21 सह हे तंत्रज्ञान आणखी विकसित केलं जाईल, ज्यामुळे नेटवर्क 10 पट चांगलं होईल. भविष्यातील डिजिटल कनेक्टिव्हिटीचा पाया 5.5 असेल.
5.5G तंत्रज्ञान का महत्त्वाचे आहे?
OnePlus 13 सिरीज लाँच इव्हेंटमध्ये, वरिष्ठ जागतिक पीआर मॅनेजर जेम्स पॅटरसन यांनी स्पष्ट केलं की 5.5G तंत्रज्ञान (ज्याला 5G-अ‍ॅडव्हान्स्ड असेही म्हणतात) डिव्हाइसला एकाच नेटवर्कशी जोडलेलं असलं तरीही, तीन वेगवेगळ्या नेटवर्क सेलशी कनेक्ट होण्यास सक्षम आहे. यामुळे कनेक्टिव्हिटी जलद होतेच, शिवाय डिव्हाइसची एकूण कामगिरीही सुधारते.
5G, 5.5G स्पीडमध्ये काय फरक आहे?
लाँच इव्हेंटमध्ये वनप्लसनं त्यांच्या 5.5G क्षमता दाखवल्या. ३सीसी नसलेल्या जिओ नेटवर्कवर डाउनलिंक स्पीड 177.78 एमबीपीएस होता. त्याच वेळी, 5.5G (3CC) रिलायन्स जिओ नेटवर्कवरील डाउनलिंक स्पीड 1014.86 Mbps पर्यंत पोहोचला होता. जिओच्या वेबसाइटनुसार, भारतातील 5G वापरकर्ते आधीच 1 Gbps पर्यंत हाय-स्पीड इंटरनेट वापरत आहेत.
हे वचालंत का :
