मुंबई - राज्यात दररोज कोरोनाचे रुग्ण वाढत असताना धारावी येथील कोरोनाबाधीत रुग्णांच्या संख्येत वाढ होत आहे. मुंबईच्या वरळीमधील झोपडपट्टी विभागात सर्वाधिक रुग्ण आहेत. तसेच धारावीमधील झोपडपट्टी विभागात रुग्णांची संख्या वाढत आहे. धारावीत नव्याने ४ रुग्ण आढळून आले आहेत. तर एका कोरोनाची लागण झालेल्या ६० वर्षीय वृद्धाचा मृत्यू झाला आहे. यामुळे धारावीतील रुग्णांचा आकडा ४७ वर तर मृतांचा आकडा ५ वर पोहचला आहे.
धारावीत कोरोनाचे रोज नवे रुग्ण वाढत आहेत. त्यामुळे वरळीनंतर धारावी हा कोरोनाचा हॉटस्पॉट झाला आहे. धारावीत नेहरू चाळ येथे ६० वर्ष पुरुष, इंदिरा नगर येथे ६० वर्ष पुरुष, गुलमोहर चाळ येथे ३४ वर्ष महिला जी शुश्रूषा रुग्णालयात नर्स आहे, तर जनता को ऑप. सोसायटी येथे ५० वर्षीय महिला असे ४ रुग्ण नव्याने आढळून आले. यामुळे धारावीतील कोरोनाच्या रुग्णांचा आकडा ४७ वर पोहचला आहे. धारावीत आतापर्यंत डॉ. बालिगा नगरमध्ये २, सोशल नगरमध्ये १, कायलन वाडीमध्ये १ तर नेहरू नगर चाळ येथे १ असे एकूण जणांचा झाला आहे.
धारावीत अत्यंत दाटीवाटीच्या झोपड्या असल्याने कोरोनाचा धोका अधिक वाढला आहे. माहीम फाटक, आंध्रा वॅली रोड, धारावी माहीम रोड, धारावी क्रॉस रोड, माटुंगा लेबर कॅम्प, संत रोहिदास मार्ग, कटारिया मार्ग, एकेजी नगर, मदिना नगर, चित्रनगरी आदी भाग बंद करण्यात आला आहे.
कुठे किती रुग्ण -
- डॉ बलिगा नगर - 5 रुग्ण ( 2 मृत्यू)
- वैभव अपार्टमेंट - 2 रुग्ण
- मुकुंद नगर - 9 रुग्ण
- मदिना नगर -2 रुग्ण
- धनवाडा चाळ -1 रुग्ण
- मुस्लिम नगर - 5 रुग्ण
- सोशल नगर - 6 रुग्ण ( 1 मृत्यू )
- जनता सोसायटी - 5 रुग्ण (1 मृत्यू)
- कायलान वाडी - 2 रुग्ण (1 मृत्यू)
- पीएमजीपी कॉलनी -1 रुग्ण
- मुर्गन चाळ - 1 रुग्ण
- राजीव गांधी चाळ - 1
- शास्त्री नगर - 4
- नेहरू चाळ - 1 रुग्ण (1 मृत्यू)
- इंदिरा चाळ - 1 रुग्ण
- गुलमोहर चाळ - 1 रुग्ण
